Author: નોબત સમાચાર
જામનગર શહેરની જી.જી. હોસ્પિટલના સિક્યોરીટી જવાનની 'સારવાર' જરૃરી
ડોકટર સામે પણ અયોગ્ય વર્તન
જામનગર તા. રઃ જામનગરની સરકારી ગુરૃ ગોવિંદસિંહ (જી.જી.) હોસ્પિટલમાં એક સિનિયર તબીબ સાથે વાહન પાર્કિંગના પ્રશ્ને સિક્યોરીટી સ્ટાફે વાણી વિલાસ કર્યો હતો. જો ખુદ ડોકટરને પણ બેફામ બોલનારા સિક્યોરીટી સ્ટાફ સામાન્ય દર્દી અને તેના સગા સાથે કેવું વર્તન કરતા હશે ? આવા સિક્યોરીટી સ્ટાફ સામે પણ કડક પગલા ભરવા જોઈએ. સમયાંતરે સિકયોરીટીની દાદાગીરી જોવા મળી રહી છે. છતાં ઉચ્ચાધિકારીઓ શા માટે કડક પગલા લેતા નથી ? કોની લાજ કાઢવામાં આવે છે ?
જામનગરની જી.જી. હોસ્પિટલમાં નિવૃત્ત ફૌજીને સિક્યુરીટી સેવા લેવામાં આવી રહી છે. પરંતુ આ સિકયોરીટી જવાનો દર્દીઓ અને તેના સગા સંબંધિ સાથે અયોગ્ય વર્તન કરતા હોવાની વ્યાપક ફરિયાદો ઉઠવા પામી રહી છે. છતા તેની સામે કોઈ પગલા લેવામાં નહી આવતા હોવાથી આ જવાનો બેફામ બન્યા છે.
થોડા દિવસ પહેલા હોસ્પિટલના એક સિનિયર મહિલા તબીબ સાથે એક સિક્યોરીટી જવાને બેફામ વાણી વિલાસ કર્યો હતો અને અમે તમારા વાહનની દેખરેખ માટે આવ્યા નથી અહિં અમારી કદર થતી નથી. જેવા અનેક શબ્દોની ઝડી વરસાવી હતી.
હોસ્પિટલના એક ડોકટર સામે પણ આવું વર્તન કરવામાં આવતું હોય તો પછી દર્દીઓની તેના સગાની શું હાલત કરતા હશે ?
હોસ્પિટલના તબીબી અધિક્ષક અને મેડિકલ કોલેજના ડીન દ્વારા આ જવાનોને કાબુમાં રાખવા જોઈએ પરંતુ કોઈ કારણોસર કડક પગલા લેવામાં આવતા નથી. જામનગરના પ્રજાના કહેવાતા સેવકો પણ આ મુદ્દે ચુપ છે. ત્યારે સવાલ એ છે કે કોની લાજ કાઢવામાં આવી રહી છે ? શા માટે આવા જવાનો સામે પગલા લેવામાં આવતા નથી ? પ્રજાના કરવેરામાંથી આવા જવાનોને તગડા પગાર ચુકવાઈ રહ્યા છે ત્યારે તેને કાબુમાં રાખવા ખૂબ જ જરૃરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
