Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
બાકીદારના પુત્ર સહિત બે શખ્સે કરી ધોકાવાળીઃ
જામનગર તા. ૨ઃ જામનગરના વિજરખી ગામમાં શુક્રવારે ધસી ગયેલા સપડા ગામના બે શખ્સે એક યુવાન પર હુમલો કરી માર માર્યાે હતો. અગાઉ વેચાણ કરાયેલી જમીનના બાકી પૈસાની માગણી કરાતા પૈસા કેમ માગો છો તેમ કહી હુમલો કરાયાનું પોલીસ ફરિયાદમાં જણાવાયું છે.
જામનગર-કાલાવડ ધોરીમાર્ગ પર આવેલા વિજરખી ગામમાં રહેતા મહોબતસિંહ પિંગળ નામના આસામીએ છએક મહિના પહેલા સપડા ગામના જયેન્દ્રસિંહ જાડેજા નામના આસામીને પોતાની જમીન વેચી હતી. આ વેળાએ થયેલી સમજૂતી મુજબ છ મહિનામાં રૂપિયા સાડા ચાર લાખ જયેન્દ્રસિંહે ચૂકવવાના હતા.
તે રકમ ચૂકવવામાં ન આવતા મહોબતસિંહે મોબાઈલ પર કોલ કરીને તે પૈસાની માંગણી કરી હતી. ત્યારપછી શુક્રવારે બપોરે મહોબતસિંહના ઘેર ધસી આવેલા જયેન્દ્રસિંહ જાડેજાના પુત્ર કૃપાલસિંહ તથા એક અજાણ્યા શખ્સે પૈસાની માંગણી કેમ કરો છો તેમ કહી ગાળો ભાંડી હતી. આ વેળાએ મોહબતસિંહના પુત્ર જયરાજસિંહ ગાળો બોલવાની ના પાડતા ઉશ્કેરાયેલા કૃપાલસિંહ અને તેની સાથેના અજાણ્યા શખ્સે ઢીકાપાટુ તથા ધોકા વડે હુમલો કરી માર માર્યો હતો અને હવે પૈસાની માંગણી કરશો તો પતાવી દઈશું તેવી ધમકી આપી હતી જયરાજસિંહ પંચકોશી-એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial