Author: નોબત સમાચાર
સોયલ ટોલનાકા પાસે મીની ટ્રક સાથે બાઈક ટકરાઈ પડતાં નગરનો યુવાન ઘાયલ
બાઈકની લગાવાઈ રહેલી રેસમાં અકસ્માત સર્જાયોઃ
જામનગર તા. ૨ઃ ધ્રોલ નજીકના સોયલ ટોલનાકા પાસે ગઈરાત્રે એક બાઈક સામેથી આવતા મીની ટ્રક સાથે ટકરાઈ પડતા ગંભીર ઈજા પામેલા બાઈકચાલકને સારવાર માટે જામનગરની જી.જી. હોસ્પિટલમાં ખસેડવામાં આવ્યા છે. સોયલ ટોલનાકા પાસે લગાવાઈ રહેલી બાઈકની રેસમાં આ અકસ્માત સર્જાયો હોવાનું જાણવા મળી રહ્યું છે.
જામનગર-રાજકોટ ધોરી માર્ગ પર આવેલા ધ્રોલ નજીકના સોયલ ટોલનાકા પાસે શુક્રવારે રાત્રે બાઈક પુરપાટ ઝડપે ધસી આવી સામેથી આવતા મીની ટ્રક સાથે અથડાઈ પડ્યું હતું.
આ અકસ્માત વેળાએ જોરદાર અવાજ થતાં ટોલનાકા પાસે હાજર વ્યક્તિઓ દોડી આવ્યા હતા. કોઈએ ૧૦૮ને જાણ કરતા ધસી આવેલી એમ્બ્યુલન્સમાં ગંભીર રીતે ઘવાયેલ બાઈકચાલકને હોસ્પિટલ ખસેડવાની તજવીજ કરવામાં આવી હતી.
જામનગરના બેડેશ્વર વિસ્તારમાં આવેલી એકડેએક બાપુની દરગાહ નજીક વસવાટ કરતા સદામ ઈકબાલ સંઘાર ઉર્ફે ફરીદ નામના આ ઈજાગ્રસ્તને સારવાર માટે જામનગરની જી.જી. હોસ્પિટલમાં ખસેડવામાં આવ્યો હતો. જ્યાં ફરજ પરના તબીબોએ તાકીદે સારવાર શરૃ કરી હતી.
આ અકસ્માત અંગે વધુમાં જાણવા મળ્યા મુજબ શુક્રવારે રાત્રે કેટલાક યુવાનો જુદા જુદા બાઈક પર સવાર થઈ રોજની માફક ધ્રોલ તરફ મોટર સાયકલની રેસ લગાડી રહ્યા હતા. તેમાં ઉપરોક્ત અકસ્માત સર્જાયો છે. સદામના બાઈક પર તે એકલો જ હોવાનું જાણવા મળી રહ્યું છે. તેની સાથે રેસ લગાડતા અન્ય બાઈકચાલકો સ્થળ પરથી નાસી છૂટ્યા હતા. દોડી આવેલી ધ્રોલ પોલીસે વધુ તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
