Author: નોબત સમાચાર
હમાસના ગાઝાના વડાનો ભાઈ મોહમ્મદ સિનવાર ઠાર
ઈઝરાયલના વડાપ્રધાન નેતન્યાહૂ દ્વારા જાહેરાતઃ
તેલઅવીવ તા. ર૯: ઈઝરાયલી દળોએ હમાસ ગાઝાના વડાના ભાઈ મોહમ્મદ સિનવારને ઠાર કર્યો છે. ઈઝરાયલી વડાપ્રધાન બેન્જામિન નેતન્યાહૂએ જાહેરાત કરી હતી કે ઈઝરાયલી સેનાએ હમાસના ગાઝા વડા અને સંગઠનના નેતા યાહ્યા સિનવારના નાના ભાઈ મોહમ્મદ સિનવારને મારી નાખ્યો છે. આ કાર્યવાહી ખાન યુનિસમાં યુરોપિયન હોસ્પિટલ નજીક એક સુરંગમાં કરવામાં આવી હતી, જ્યાં ઈઝરાયલ સંરક્ષણ દળોએ હવાઈ હુમલો કર્યો હતો. પોતાના નિવેદનમાં નેતન્યાહૂએ કહ્યું, મોહમ્મદ સિનવારને ખતમ કરી દેવામાં આવ્યો છે. તે હમાસની લશ્કરી વીન્ગનું નેતૃત્વ કરી રહ્યો હતો. આ હમાસ માટે મોટો ફટકો છે, પરંતુ અમારૂ ઓપરેશન હજી પૂરૃં થયું નથી. તેમણે ચેતવણી પણ આપી હતી કે ગાઝામાં બંધકોને નુક્સાન પહોંચનારાઓ સામે કડક કાર્યવાહી ચાલુ રહેશે.
અહેવાલો અનુસાર ઓક્ટોબર ર૦ર૪ માં તેના ભાઈ યાહ્યા સિનવારના મૃત્યુ પછી મોહમ્મદ સિનવારે હમાસનું લશ્કરી અને રાજકીય નેતૃત્વ સંભાળ્યું. ૭ ઓક્ટોબર ર૦ર૩ ના હમાસના હુમલાનો તે મુખ્ય યોજનાકાર માનવામાં આવતો હતો, જેમાં ઈઝરાયલમાં ૧,ર૦૦ લોકો માર્યા ગયા હતાં અને રપ૦ લોકોને બંધક બનાવ્યા હતાં. અગાઉ ઈઝરાયલી મીડિયાએ અહેવાલ આપ્યો હતો કે આ મહિનાની શરૂઆતમાં દક્ષિણ ગાઝામાં ઈઝરાયલી હવાઈ હુમલામાં સિનવારને નિશાન બનાવવામાં આવ્યો હતો.
જો કે, તે સમયે ઈઝરાયેલી સંરક્ષણ દળોએ તેની પુષ્ટિ કરી ન હતી. હવે ખુદ પીએમ બેન્જામિન નેતન્યાહૂએ તેની પુષ્ટિ કરી છે. હમાસના રફાહ બ્રિગેડ કમાન્ડર મોહમ્મદ શબાના અને ૧૦ અન્ય સાથીઓ પણ આ હુમલામાં માર્યા ગયા હોવાના અહેવાલ છે.
સાઉદ્દી ચેનલ અલ-હદથ અનુસાર સિનવારનો મૃતદેહ અને તેના સાથીઓના અવશેષો ટનલમાંથી મળી આવ્યા છે, જો કે હમાસે હજી સુધી મોહમ્મદ સિનવારના મૃત્યુની સત્તાવાર પુષ્ટિ કરી નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
