Author: નોબત સમાચાર
ગ્રેચ્યુઈટીની રકમ ચૂકવી આપવા લાલપુર ગ્રામ પંચાયતને હુકમ
નિવૃત્ત કાયમી સફાઈ કામદારોના કેસમાં
જામનગર તા. ર૯: લાલપુર ગ્રામ પંચાયતના કાયમી સફાઈ કર્મચારીને નિવૃત્તિ પછીની ગ્રેચ્યુઈટીની રકમ ચૂકવી આપવા નિયંત્રણ અધિકારી દ્વારા લાલપુર ગ્રામ પંચાયતને હુકમ કર્યો છે.
શોભનાબેન ઉકાભાઈ નામના કાયમી સફાઈ કર્મચારી તરીકે લાલપુર ગ્રામ પંચાયતમાં ફરજ બજાવતા હતાં અને તા. ૩૧-૧-ર૦ર૪ ના વયમર્યાદાના કારણે નિવૃત્ત થયા હતાં. તેને પેમેન્ટ ઓફ ગ્રેચ્યુઈટી એક્ટ લાગુ પડતો હોવા છતાં લાલપુર ગ્રામ પંચાયતે ગ્રેચ્યુઈટીની રકમ ચૂકવી ન હતી.
આથી જિલ્લા સફાઈ કામદાર યુનિયનના પ્રેમજીભાઈ બાબરિયા મારફત નિયંત્રણ અધિકારી સમક્ષ દાદ માગી હતી.
આ કેસમાં તા. ૩૦-૧૧-ર૦ર૪ થી તા. ૭-૩-ર૦રપ સુધી બન્ને પક્ષકારોની સુનાવણી કરવામાં આવી હતી. બન્ને પક્ષને રજૂઆત માટે પૂરતી તક આપવામાં આવી હતી. અરજદારે પગારની સ્લિપની નકલ, અને પુરાવાનું સોગંદનામું રજૂ કર્યું હતું.
જામનગરના ગ્રેચ્યુટી ચૂકવણી અધિનિયમ હેઠળના નિયંત્રણ અધિકારીઓ શોભનાબેનને ગ્રેચ્યુઈટી રકમ રૂ. ૧,૬૧,૯૮૭ ની રકમ ૩૦ દિવસમાં ચૂકવી આપવા અને તા. ૩-૩-ર૦ર૪ થી જે તારીખે ગ્રેચ્યુઈટીની રકમ ચૂકવવામાં આવે ત્યાં સુધીના સમયગાળામાં ૪૦% સાદા વ્યાજ સાથે ચૂકવી આપવા લાલપુર ગ્રામ પંચાયતને હુકમ કર્યો હતો.
અરજદાર શોભનાબેન તરફે જામનગર જિલ્લા સફાઈ કામદાર યુનિયનના પ્રેમજીભાઈ બાબરિયાએ દલીલો કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
