Author: નોબત સમાચાર
જામનગરની દોશી અને હરિયા કોલેજમાં વિદ્યાર્થીઓને ડ્રગ્સથી દુર રહેવા લેવડાવાયો સંકલ્પઃ મહાનુભાવો ઉપસ્થિત
'એનએસયુઆઈનો સંકલ્પ... ડ્રગ્સ મુક્ત કેમ્પસ..." ના સૂત્ર હેઠળ કોંગ્રેસની રાજ્યવ્યાપી યાત્રા
સમગ્ર ગુજરાતમાં એનએસયુઆઈ દ્વારા 'એનએસયુઆઈનો સંકલ્પઃ ડ્રગ્સ મુક્ત કેમ્પસ' નામના કાર્યક્રમનું આયોજન થયેલ છે, જેમાં સમગ્ર ગુજરાતની કોલેજોના કેમ્પસમાં એનએસયુઆઈની ટીમ જઈ રહી છે અને ડ્રગ્સની વિરૂદ્ધમાં મુહિમ ચલાવી રહી છે અને ડ્રગ્સ મુક્ત કેમ્પસની શપથ લેવડાવી રહી છે. જેના અનુસંધાને આજ આ યાત્રા જામનગરમાં આવી પહોંચેલ હતી તેની શરૂઆત એચ.જે. દોશી કોલેજ અને એકે દોશી કોલેજથી કરવામાં આવેલ હતી. ત્યારપછી હરિયા કોલેજમાં આ યાત્રા પહોંચી હતી. આજના આ કાર્યક્રમમાં વિદ્યાર્થીઓએ નાટક અને વિદ્યાર્થીઓની સ્પીચ દ્વારા ડ્રગ્સ મુક્ત કેમ્પસ બને તે માટેના પ્રયત્નો કરવા માટેની વાત કરવામાં આવી હતી. આ કાર્યક્રમમાં ખાસ ગુજરાત કોંગ્રેસના કાર્યકારી પ્રમુખ અને ગુજરાત યુનિવર્સિટીના ૫ૂર્વ સિન્ડિકેટ સભ્ય ડો. ઈન્દ્રવિજયસિંહ ગોહિલ, જામનગરના પૂર્વ સાંસદ અને પૂર્વ ધારાસભ્ય વિક્રમભાઈ માડમ, જામનગર શહેર કોંગ્રેસના પ્રમુખ દિગુભા જડેજા, ચેમ્બર ઓફ કોમર્સ ગુજરાતના મંત્રી બિપેન્દ્રસિંહ જાડેજા વિગેરે મહેમાનો ઉપસ્થિત રહ્યા હતાં. આ કાર્યક્રમ ડો. તોસિફખાન પઠાણ, શક્તિસિંહ જેઠવા, મહિપાલસિંહ જાડેજા, રવિરાજસિંહ ગોહિલ, દેવરાજભાઈ ગોહિલ વિગેરેની આગેવાનીમાં યોજાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
