Author: નોબત સમાચાર
લાલપુરના નવી વેરાવળમાં ગંજીપાનાથી જુગાર રમતા છ ઝડપાયાઃ ૬૧ હજારનો મુદ્દામાલ કબજે
જામજોધપુરમાંથી વર્લીનું બેટીંગ લેતો એક ઝડપાયોઃ
જામનગર તા. ૭: લાલપુર તાલુકાના નવી વેરાવળ ગામમાં સરકારી ખરાબામાં ગઈકાલે ગંજીપાનાથી જુગાર રમતા છ શખ્સને પોલીસે પકડી લઈ રૂ।.૬૧૨૧૦નો મુદ્દામાલ કબજે કર્યાે છે. જામજોધપુર માંથી એક શખ્સ વર્લીનું બેટીંગ લેતો ઝડપાયો છે.
લાલપુર તાલુકાના નવી વેરાવળ ગામના કાચા માર્ગે આવેલી દરગાહ નજીક ખરાબામાં ગઈકાલે બપોરે કેટલાક શખ્સો એકઠા થઈ જુગાર રમતા હોવાની બાતમી પરથી લાલપુર પોલીસ સ્ટેશનના સ્ટાફે દરોડો પાડ્યો હતો.
ત્યાં ગંજીપાના વડે તીનપત્તી રમતા ભીમશીભાઈ ખીમાભાઈ ગાગીયા, મહેન્દ્રસિંહ ચંદુભા જાડેજા, મુસ્તાક આમદભાઈ અખાણી, રફીક નુરશા શાહમદાર, અલ્તાફ નુરશા શાહમદાર, જયંતિલાલ દયારામ દાણીધારીયા નામના છ શખ્સ મળી આવ્યા હતા. પોલીસે પટમાંથી રૂ।.૧૧૨૧૦ રોકડા, ત્રણ બાઈક, ગંજીપાના મળી કુલ રૂ।.૬૧૨૧૦નો મુદ્દામાલ કબજે કર્યાે છે. તમામ સામે જુગારધારાની કલમ હેઠળ ગુન્હો નોંધવામાં આવ્યો છે.
જામજોધપુર શહેરમાંથી પ્રદીપભાઈ રમણીકભાઈ બરોચીયા નામના શખ્સને પોલીસે વર્લીના આંકડા લખતો પકડી પાડ્યો છે. તેની પાસેથી વર્લીના આંકડા લખેલી ચિઠ્ઠી, બોલપેન, રોકડ કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
