Author: નોબત સમાચાર
ગૌવંશની કતલ કરી ગૌમાંસનું વેચાણ કરવાના કૃત્યમાં સંડોવાયેલા પાંચ શખ્સને પાસા હેઠળ જેલમાં ધકેલાયા
દરખાસ્ત મંજૂર થતાં જ દેવભૂમિ એલસીબીએ પાંચેયને જુદી જુદી જેલમાં મોકલી આપ્યાઃ
જામનગર તા. ૭: દેવભૂમિ દ્વારકા જિલ્લામાં ગૌવંશની કતલ કરી ગૌમાંસનું વેચાણ કરતા કુલ પૈકીના પાંચ શખ્સ સામે એલસીબીએ પાસાની દરખાસ્ત તૈયાર કરી હતી. તે મંજૂર કરાતા પાંચેય આરોપીને જુદી જુદી પાંચ જેલમાં ધકેલી દેવામાં આવ્યા છે.
દેવભૂમિ દ્વારકા જિલ્લામાં ગૌમાંસનું વેચાણ કરવા માટે ગૌવંશની કતલ કરવાના કૃત્ય સાથે સંકળાયેલા તત્ત્વોને પાસાના પાંજરે પુરવા માટે પોલીસ દ્વારા શરૂ કરાયેલી તજવીજ દરમિયાન દેવભૂમિ દ્વારકા એલસીબી પીઆઈ બી.જે. સરવૈયાની સૂચનાથી સ્ટાફે આવા કૃત્ય કરતા પાંચ શખ્સોને અલગ તારવ્યા હતા.
દ્વારકા જિલ્લાના ભાણવડ તાલુકાના સેવકદેવળીયા ગામના અબ્દુલ જુસબ સમા ઉર્ફે બારકા, રીઝવાન ઉર્ફે આમીન નુરમામદ ધુધા, ખંભાળિયા નજીકના સલાયાના સલીમ ઈશાક સુંભણીયા તેમજ સેવક દેવળીયાના ફારૂક મુસા ધાવડા અને ઓસમાણ જુસબ ધુધા ઉર્ફે ભુટા નામના આ પાંચ શખ્સ સામે પાસાની દરખાસ્ત તૈયાર કરાઈ હતી અને મંજૂરી માટે કલેક્ટર સમક્ષ રજૂ કરાઈ હતી.
ઉપરોક્ત દરખાસ્ત કલેકટર દ્વારા મંજૂર કરવામાં આવી છે અને પાંચેયને પાસા હેઠળ ધકેલી દેવા આદેશ કરતા એલસીબીએ પાંચેયની ગઈકાલે અટકાયત કરી હતી. જેમાંથી ફારૂકને બનાસકાંઠાની પાલનપુર જેલમાં, ઓસમાણને ભાવનગરની જિલ્લા જેલમાં, અબ્દુલ જુસબને સાબરમતી જેલમાં, રીઝવાન ધુધાને વડોદરાની જેલમાં અને સલીમ ઈશાકને ભુજની પાલારાની ખાસ જેલમાં ધકેલી દેવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
