બાલાચડીની સૈનિક સ્કુલમાં મ્યુઝિકલ કોન્સર્ટ

Author: નોબત સમાચાર

બાલાચડીની સૈનિક સ્કુલમાં મ્યુઝિકલ કોન્સર્ટ

સ્પીક મિકે, જામનગર ચેપ્ટરના સહયોગથી આયોજનઃ

જામનગર તા. ૪: સૈનિક સ્કૂલ બાલાચડી, જામનગરમાં સોસાયટી ફોર ધ પ્રમોશન ઓફ ઈન્ડિયન કલાસિકલ મ્યુઝિક એન્ડ કલ્ચર અમોન્સ્ટ યુથ (સ્પિક મિકે), ચેપ્ટરના સહયોગથી એક મ્યુઝિકલ કોન્સર્ટનું આયોજન કરવામાં આવ્યું હતું.

જેનું સંચાલન જાણીતા શાસ્ત્રીય ગાયકો પં. રિતેશ મિશ્રા અને પં. રજનીશ મિશ્રાએ કર્યુ હતું. તેમની સાથે તબલા પર પ્રદીપ કુમાર સરકાર અને હાર્મોનિયમ પર અકુલ પંચાલે રંગત જમાવી હતી.

આ કાર્યક્રમ શાળાના ઓડિટોરિયમમાં યોજાયો હતો. જયાં મહેમાનોનું પુષ્પગુચ્છથી સ્વાગત કરવામાં આવ્યું હતું. અને કેડેટ યુવરાજ જેડોન અને કેડેટ ધ્રુવિલ મોદીએ તેમના વિશે ટૂંકમાં પરિચય આપ્યો હતો.

સૈનિક સ્કૂલ બાલાચડીનો હેતુ રાષ્ટ્રીય સંરક્ષણ એકેડેમીમાં પ્રવેશ માટે કેડેટ્સમાં સર્વગ્રાહી વ્યકિતત્વ ઘડવાનો છે. સર્વાંગી વ્યત્ત્વિ બનાવવા માટે સંગીત મહત્વપૂર્ણ ભૂમિકા ભજવે છે. જેને ધ્યાનમાં રાખીને સૈનિક સ્કૂલ બાલાચડી દ્વારા સમયાંતરે આવા કાર્યક્રમોનું આયોજન કરવામાં આવે છે.

કલાકારોના પ્રદર્શને દર્શકોને મંત્રમુગ્ધ કર્યા હતાં. તેઓએ રાગ મધુવંતી રજૂ કરીને સ્વર તથા રાગ વિશે બધાને પરિચય કરાવ્યા હતાં. તેઓએ શ્રોતાઓ દ્વારા પૂછવામાં આવેલા ઘણાં પ્રશ્નોના જવાબ આપ્યા હતાં તેમજ સંગીત વાદ્ય સ્વર મંડળ સમજાવ્યું હતું.

આ પ્રસંગે લેફટનન્ટ કર્નલ હરજોત કૌર, કાર્યકારી પ્રિન્સિપાલે શાળા સ્મૃતિ ચિન્હ આપીને મહેમાન કલાકારોનું સન્માન કર્યું હતું.

આ પ્રસંગે, લેફટનન્ટ કર્નલ હરજોત કૌર, કાર્યકારી આચાર્ય, સૈનિક સ્કૂલ બાલાચડીએ પં. રિતેશ મિશ્રા અને પં. રજનીશ મિશ્રાએ તેમના શાનદાર પ્રદર્શન માટે પ્રશંસા કરી શાળામાં સંગીત સમારંભ માટે સ્પીક મીકે જામનગર ચેપ્ટરનો આભાર માન્યો હતો. તેણીએ કેડેટ્સને જીવનની સુંદર વસ્તુઓની પ્રશંસા કરવાનું શીખવાની પણ સલાહ આપી હતી.

આ કાર્યક્રમનું સંકલન કે.કે. બાજપેયી (એચઓડી, ભૌતિકશાસ્ત્ર) દ્વારા કરવામાં આવ્યું હતું.

જો આપને આ પોસ્ટ ગમી હોય તો શેર કરો...