Author: નોબત સમાચાર
નગરના દરેડ, દડીયાથી સિંગચ સુધી વીજચેકિંગનો ધમધમાટ
રૂ. ૬૪,૫૦,૦૦૦ની વીજચોરી પકડી લેવાઈઃ
જામનગર તા. ૦૪: જામનગરની પીજીવીસીએલ કચેરી દ્વારા વીજચોરી ડામી દેવા માટે શરૂ કરાયેલી ચેકિંગ કાર્યવાહી અંતર્ગત ગઈકાલે દરેડ, દડીયા તેમજ સિકકાથી સિંગચ સુધીના ગામો અને કલ્યાણપુરના ગ્રામ્ય પંથકમાં વીજચેકીંગ કરવામાં આવ્યું હતું તેમાં રૂ. ૬૪,૫૦,૦૦૦ની વીજચોરી ઝડપાઈ ગઈ હતી.
જામનગરની સ્થાનિક પીજીવીસીએલ કચેરી દ્વારા વીજચોરી પકડી પાડવા માટે શરૂ કરવામાં આવેલી ચેકીંગ કાર્યવાહી અંતર્ગત ગઈકાલે સ્થાનિક અધિકારીઓના વડપણ હેઠળની ૩૮ ટુકડીએ જામનગર-ખંભાળિયા ધોરીમાર્ગ પર આવેલા સિકકા, ઝાંખર, સિંગચ, જોગવડ, મેઘપર તેમજ જામનગર-લાલપુર રોડ ઉપર આવેલા દરેડ તથા દડીયા ગામમાં વીજચેકીંગ હાથ ધર્યુ હતું.
તે ઉપરાંત દેવભૂમિ દ્વારકા જિલ્લાના કલ્યાણપુર તાલુકાના રાવલ, ભાટીયા, ગઢકા સહિતના ગામોમાં પણ વીજચોરી પકડવા ચેકિંગ કરાયું હતુ. આ ટુકડીઓએ ૪૧૩ વીજજોડાણ ચકાસ્યા હતા તેમાંથી ૭૯ વીજજોડાણમાં ગેરરિતી જણાઈ આવતા તેના ધારકોને રૂ. ૬૪,૫૦,૦૦૦ના પૂરવણી બિલ આપવામાં આવ્યા છે. આ ટૂકડીઓની સાથે સુરક્ષા માટે સ્થાનિક પોલીસના ૨૭ જવાન અને ૯ એકસ આર્મીમેનને જોડવામાં આવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
