Author: નોબત સમાચાર
લાલપુરના નવી પીપળ પાસેથી મોટર ટ્રકમાંથી ઝડપાયો ૧૫૭૫ લીટર દેશી દારૂ
મોટરચાલક ઝબ્બેઃ ટ્રકચાલક નાસી ગયોઃ
જામનગર તા. ૪: લાલપુરના નવી પીપળ ગામના પાટીયા પાસે ગઈરાત્રે વોચ રાખી એલસીબીએ એક મોટર તથા ટ્રકમાંથી ૧૫૭૫ લીટર દેશી દારૂ પકડી પાડ્યો છે. પોલીસને જોઈને ટ્રકનો ચાલક નાસી ગયો છે. ઝડપાયેલા મોટરચાલકે અન્ય એક સાગરિતનું નામ આપ્યું છે. એલસીબીએ મોબાઈલ, દારૂ, મોટર, ટ્રક સહિત રૂ. પોણા પંદર લાખનો મુદ્દામાલ કબજે કરી લીધો છે.
લાલ૫ુર તાલુકાના નવી પીપળ ગામના પાટીયા પાસે બે વાહનમાં દેશી દારૂનો જંગી જથ્થો હેરફેર કરવામાં આવી રહ્યો હોવાની બાતમી એલસીબીના હરદીપ બારડ, મયુરસિંહ, ઋષિરાજસિંહને મળતા પીઆઈ વી.એમ. લગારીયાને વાકેફ કરાયા પછી પીએસઆઈ એ.કે. પટેલ, પી.એન. મોરીના વડપણ હેઠળ ગઈરાત્રે વોચ રખાઈ હતી.
તે દરમિયાન જીજે-૩-જેએલ ૫૪૧૯ નંબરની વોક્સ વેગન મોટર તથા જીજે-૧૦-ઝેડ ૯૬૯૨ નંબરનો ટ્રક મળી આવ્યા હતા. તે બંને વાહનની તલાશી લેવાતા તેમાંથી ૧૫૭૫ લીટર દેશી દારૂ મળી આવ્યો હતો. આ જથ્થા સાથે સરમત પાટીયા નજીક ગઢવી વાસમાં રહેતા સામત શિવાભાઈ રાજાણી નામનો શખ્સ મળી આવ્યો હતો. જ્યારે ટ્રકનો ચાલક પોલીસ સ્ટાફને જોઈ નાસી ગયો હતો.
એલસીબીએ રૂ.૩ લાખ ૧પ હજારની કિંમતનો દારૂનો જથ્થો, રૂ.દોઢ લાખની મોટર અને રૂ.૧૦ લાખનો ટ્રક, એક મોબાઈલ મળી કુલ રૂ.૧૪ લાખ ૭૦ હજારનો મુદ્દામાલ કબજે કર્યાે છે. ઝડપાયેલા શખ્સે પોતાના સાગરિત નાઘેડી ગામના કાનાભાઈ જીવાભાઈ મોઢવાડીયાનું નામ આપ્યું છે. એલસીબીએ તે શખ્સ ઉપરાંત ૯૬૯૨ નંબરના ટ્રકના ચાલકની શોધ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
