સુરક્ષિત એલપીજી વપરાશ માર્ગદર્શક કાર્યક્રમઃ 'હમારી રસોઈ, હમારી જીમ્મેદારી'

Author: નોબત સમાચાર

સુરક્ષિત એલપીજી વપરાશ માર્ગદર્શક કાર્યક્રમઃ 'હમારી રસોઈ, હમારી જીમ્મેદારી'

સલાયા કન્યા શાળામાં યોજાયો

સલાયા તા. ૩૦: સમગ્ર દેશમાં પેટ્રોલીયમ મંત્રાલય અને ઓઈલ માર્કેટિંગ કંપની દ્વારા એલપીજીનો સુરક્ષિત વપરાશ થાય એ માટે એક વિશેષ અભ્યાન ચલાવાઈ રહ્યું છે. જેમાં શાળાઓ, કોલેજ તેમજ અન્ય પબ્લિક પ્લેસમાં એલપીજી વપરાશ નિયમ મુજબ અને સલામતી પૂર્વક થાય એ માટે એવરનેસ કાર્યક્રમો યોજાઈ છે. જે અંતર્ગત દેવભૂમિ દ્વારકા જિલ્લાના જિલ્લા પુરવઠા અધિકારી કૃષ્ણા બી. સોલંકીએ એક એલપીજી વિતરકોની બેઠક યોજી હતી. જેમાં સમગ્ર દેવભૂમિ દ્વારકા જિલ્લાનાં ગેસ વિતરકો તેમજ એલપીજી નોડલ ઓફિસર વિજયકુમાર મીના ખાસ હાજર રહ્યા હતાં.

જેમાં આ રીતે શાળા કોલેજોમાં સુરક્ષિત એલપીજી વપરાશ અંગે જાગૃતિ લાવવા અવરનેસ કાર્યક્રમો યોજવા સૂચના આપવામાં આવી હતી. આ બાબતે સલાયા માતૃકૃપા ઈંડિયન દ્વારા સલાયા કન્યા શાળામાં એક કાર્યક્રમ યોજાયો હતો. જેમાં વિદ્યાર્થિનીઓ હાજર રહી હતી, અને એલપીજીનો સુરક્ષિત વપરાશ કેવી રીતે કરવો જે માટે યોગ્ય માર્ગદર્શન આપ્યું હતું. ટીવી મારફતે વીડિયો બતાવી અને સલામતીના પગલાં કેવી રીતે લેવા એ બાબતે માર્ગદર્શન પૂરૃં પાડયું હતું. આ કાર્યક્રમને સફળ બનાવવા સલાયા કન્યા શાળાના આચાર્ય વીણાબેન હડિયલ તેમજ માતૃકૃપા ઈંડિયનનાં ભાવિક લાલે જહેમત ઉઠાવી હતી.

જો આપને આ પોસ્ટ ગમી હોય તો શેર કરો...