Author: નોબત સમાચાર
રહેણાંક મકાનમાંથી દારૂની ચૌદ બોટલ ઝડપાઇ
બાવરીવાસમાંથી ઝડપાઈ દેશી દારૂની ભઠ્ઠીઃ
જામનગર તા.૧૦: જામનગરના કાલાવડ નાકા બહાર આવેલા મહાકાલ ચોક સ્થિત એક મકાનમાંથી પોલીસે અંગ્રેજી શરાબની ચૌદ બોટલ પકડી પાડી છે. જ્યારે ગણપત નગર બાવરીવાસમાંથી દેશી દારૂની ભઠ્ઠી મળી આવી છે.
જામનગરના કાલાવડ નાકા બહારના વિસ્તારમાં આવેલી બેઠક નજીકના મહાકાલ ચોકમાં એક શખ્સના મકાનમાં અંગ્રેજી શરાબનો જથ્થો પડ્યો હોવાની બાતમી પરથી ગઈકાલે સિટી-એ ડિવિઝનના સ્ટાફે દિલીપ સત્યપાલ અછરા ઉર્ફે ગૌતમ નામના શખ્સના મકાનમાં દરોડો પાડ્યો હતો.
તે મકાનની તલાશી લેવાતા ત્યાંથી અંગ્રેજી શરાબની ચૌદ બોટલ મળી આવી હતી. ₹ ૭ હજારની બોટલ કબજે કરી પોલીસે દિલીપ સિંધી લોહાણાની ધરપકડ કરી છે.
જામનગરના વુલન મીલ પાસે આવેલા ગણપતનગર નજીકના બાવરીવાસમાં હંસાબેન ગોપાલભાઈ નામના મહિલાના ઝૂંપડામાં ગઈકાલે પોલીસે દરોડો પાડતા ત્યાંથી દેશી દારૂની ભઠ્ઠી મળી આવી છે. સ્થળ પરથી તૈયાર દારૂ, પંચોત્તેર લીટર આથો, ભઠ્ઠીના સાધનો કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
