કલ્યાણપુરના ગ્રામ્ય પંથકોમાં આજ સવારથી શરૃ કરાયું સઘન વીજ ચેકીંગ

Author: નોબત સમાચાર

કલ્યાણપુરના ગ્રામ્ય પંથકોમાં આજ સવારથી શરૃ કરાયું સઘન વીજ ચેકીંગ

ગઈકાલે ખંભાળિયા ૫ંથકમાંથી મળી છવ્વીસ લાખની વીજચોરીઃ

જામનગર તા.૨ ઃ જામનગરની વીજ કંપનીની કચેરી દ્વારા આજે કલ્યાણપુર પંથકમાં વીજ ચેકીંગ હાથ ધરવામાં આવ્યું છે. પોલીસ બંદોબસ્ત વચ્ચે તેત્રીસ ટૂકડીઓ બંદોબસ્ત માટે પહોંચી છે. ગઈકાલે ખંભાળિયાના ગ્રામ્ય પંથકમાંથી રૃા.સવા છવ્વીસ લાખની વીજચોરી મળી આવી હતી.

જામનગરની પીજીવીસી એલ કચેરી દ્વારા કોર્પોરેટ ડ્રાઈવ અંતર્ગત શરૃ કરવામાં આવેલી વીજ ચેકીંગ કાર્યવાહીમાં આજે સ્થાનિક અધિકારીઓના વડપણ હેઠળની તેત્રીસ ટૂકડીઓ જામનગર સર્કલમાં આવતા દ્વારકા ડિવિઝન હેઠળના કલ્યાણપુર અને ભાટિયા સબ ડિવિઝનમાં સમાવિષ્ટ ગ્રામ્ય પંથકોમાં વીજચોરી પકડી પાડવા ધસી ગઈ છે.

આ ટૂકડીઓની સાથે સુરક્ષા માટે સ્થાનિક પોલીસના ઓગણીસ જવાનો, સાત એસઆરપીમેનને રાખવામાં આવ્યા છે. ત્રણ વીડિયોગ્રાફરો જોડાયા છે. સવારથી જુદા જુદા ગામોમાં વીજ ચેકીંગ કરવામાં આવી રહ્યું છે.

ગઈકાલે ખંભાળિયા તથા વડત્રા સબ ડિવિઝન હેઠળના ગામડાઓમાં ચૂસ્ત બંદોબસ્ત વચ્ચે કરાયેલી ચેકીંગ કાર્યવાહીમાં ૩૯૪ વીજ જોડાણ ચકાસાયા હતા. જેમાંથી ૬૮ જોડાણોમાં ગેરરીતિ જણાઈ આવતા તેના ધારકોને રૃા.૨૬ લાખ ૩૦ હજારના આકારણી બીલ આપવામાં આવ્યા છે.

જો આપને આ પોસ્ટ ગમી હોય તો શેર કરો...