Author: નોબત સમાચાર
સિદ્ધાર્થનગરમાંથી દેશી દારૃની ભઠ્ઠી ઝડપાઈઃ આથો, તૈયાર દારૃ કરાયા કબજે
શરાબની બોટલ સાથે એક ઝડપાયોઃ
જામનગર તા.ર ઃ જામનગરના ધરારનગર-૧ પાસેથી એક શખ્સ શરાબની બોટલ સાથે ઝડપાયો છે. જ્યારે સિદ્ધાર્થનગરમાં એક મકાનમાંથી આથો, બેરલ અને એક ઝૂંપડામાંથી તૈયાર દેશી દારૃ, આથો, ભઠ્ઠીના સાધનો પોલીસે ઝબ્બે લીધા છે.
જામનગરના સરૃ સેક્શન રોડ પર આવેલા ધરારનગર-૧ પાસેથી ગઈકાલે રાત્રે જઈ રહેલા પિયુષ રાજુભાઈ ઢચા ઉર્ફે વિશાલ નામના શખ્સને પોલીસે રોકાવી તેની તલાશી લેતાં તેના કબજામાંથી શરાબની એક બોટલ મળી આવી હતી. પોલીસે બોટલ કબજે કરી પિયુષ ઢચાની ધરપકડ કરી છે.
જામનગરના દિગ્જામ વુલન મીલ પાછળ આવેલા સિદ્ધાર્થનગરની શેરી નં.૩માં રહેતા રમેશ અમરશીભાઈ ચૌહાણ નામના શખ્સના મકાનમાં ગઈકાલે બપોરે પોલીસે દરોડો પાડી તલાશી લેતાં ત્યાંથી દેશી દારૃ બનાવવાની ભઠ્ઠી મળી આવી હતી. સ્થળ પરથી ૧૧૦ લીટર આથો તથા બેરલ કબજે કરવામાં આવ્યા છે.
સિદ્ધાર્થનગર પાછળ બાવરીવાસમાં આવેલા આશાબેન આત્મારામ બાવરી નામના મહિલાના ઝૂંપડામાં ચેકીંગ કરવામાં આવતા ત્યાંથી પણ ચાલુ ભઠ્ઠી મળી આવી હતી. સોળ લીટર તૈયાર દારૃ, ૧૦૫ લીટર આથો, ભઠ્ઠીના સાધનો ઝબ્બે લેવાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
