Author: નોબત સમાચાર
સૌરાષ્ટ્ર યુનિવર્સિટીના પેપરલીક કૌભાંડમાં અંતે એફઆઈઆરઃ કોલેજકર્મી સામે ફરિયાદ
ઓક્ટોબર મહિનાની બીબીએ-બીકોમ સેમેસ્ટર-પ ની પરીક્ષાનો મામલો
રાજકોટ તા. રઃ સૌરાષ્ટ્ર યુનિવર્સિટીના ગત્ ઓક્ટોબર મહિનાની પેપરલીક કૌભાંડ મામલે અંતે ફરિયાદ નોંધાઈ છે.
ગયા વર્ષે ઓક્ટોબર મહિનામાં સૌરાષ્ટ્ર યુનિવર્સિટીના બીબીએ અને બી.કોમ સેક્ટર પ ની પરીક્ષા લેવાય તે પહેલા જ પેપરલીકની ઘટના બની હતી. હવે આ ઘટનામાં અંતે એફઆઈઆર નોંધાઈ છે. આ મામલે ગત્ રાત્રે રાજકોટમાં સૌરાષ્ટ્ર યુનિવર્સિટીના ઈન્ચાર્જ રજિસ્ટ્રાર દ્વારા પોલીસમાં ફરિયાદ નોંધાવી હતી. આ ફરિયાદમાં ભાજપના નગરસેવકની કોલેજની ભૂમિકા બહાર આવી હતી. આ મામલે એફએસએલની ટીમ તપાસ કરી રહી હતી.
પેપરલીક ઘટનાના ૧૧૧ દિવસ પછી નોંધાઈ ફરિયાદ
રાજકોટની સૌરાષ્ટ્ર યુનિવર્સિટીની હંમેશાં કોઈના કોઈ મુદ્દે ચર્ચામાં રહે છે. ગયા વર્ષે ઓક્ટોબર મહિનામાં યોજાનારી સૌરાષ્ટ્ર યુનિવર્સિટીની પરીક્ષાના પેપર ફૂટ્યાની ઘટના સામે આવી હતી. આ ઘટનાના આજે ૧૧૧ દિવસ પછી ફરિયાદ નોંધાઈ હતી. આ ફરિયાદથી ભાજપના નગરસેવકની કોલેજના કર્મી જીગર ભટ્ટ સામે ગુનો નોંધવામાં આવ્યો છે. આ ઉપરાંત તપાસમાં ખૂલે એવા અન્ય નામો પણ આપવામાં આવ્યા હતાં. રાજકોટના નગરસેવકની કોલેજની ભૂમિકા બહાર આવતા શહેરમાં આ મામલે ચર્ચાએ જોર પકડ્યું હતું. આ મામલે કોલેજના અન્ય કર્મચારીઓ અને ટ્રસ્ટીઓની પૂછપરછ શરૃ થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
