ડોનાલ્ડ ટ્રમ્પને હટાવી જેડી વાન્સને રાષ્ટ્રપતિ બનાવોઃ એલોન મસ્ક

Author: નોબત સમાચાર

ડોનાલ્ડ ટ્રમ્પને હટાવી જેડી વાન્સને રાષ્ટ્રપતિ બનાવોઃ એલોન મસ્ક

દોસ્ત દોસ્ત ન રહા, ટ્રમ્પ યાર ન રહા...

વોશિંગ્ટન તા. ૬ઃ ડોનાલ્ડ ટ્રમ્પ અને એલોન મસ્કની મિત્રતા હવે દુશ્મનીમાં ફેરવાઈ ગઈ છે. મસ્કે ટ્રમ્પને હટાવવાની વાત કરી અને ઉપરાષ્ટ્રપતિ જેડી વાન્સને લાવવાની હિમાયત કરી છે. ટ્રમ્પે મસ્કની કંપનીઓના કરારો સમાપ્ત કરવાની ધમકી આપી. તે પછી મસ્ક વધુ આક્રમક થયા છે.

જ્યારે ડોનાલ્ડ ટ્રમ્પ અને એલોન મસ્ક વચ્ચેની ગાઢ મિત્રતા હવે તૂટી રહી છે. મસ્કે ટ્રમ્પને રાષ્ટ્રપતિ બનાવવા માટે પોતાના તમામ પ્રયાસો કર્યા હતા, પરંતુ હવે પરિસ્થિતિ એવી છે કે બંને વચ્ચે ખુલ્લી દુશ્મનાવટ ફાટી નીકળી છે. આખી દુનિયા હવે અમેરિકામાં ઉદ્યોગપતિ અને રાષ્ટ્રપતિ વચ્ચે ચાલી રહેલા નાટકનો આનંદ માણી રહી છે.

એલોન મસ્કે ટ્રમ્પને હટાવવાની વાત કરી છે. આ સાથે, તેમણે ઉપરાષ્ટ્રપતિ જેડી વાન્સને લાવવાની હિમાયત કરી છે. ચર્ચા ટ્રમ્પના બિગ બ્યુટીફુલ બિલથી શરૃ થઈ, જે એક કર અને ખર્ચ કાયદો છે. મસ્કે તેના પર પ્રહાર કરતા કહૃાું કે આ બિલ બજેટને બગાડશે અને નકામા ખર્ચનો અડ્ડો છે. ટ્રમ્પ, પોતાની ટીકાથી ગુસ્સે થઈને, જવાબ આપ્યો, મસ્ક બિલથી સંપૂર્ણપણે વાકેફ હતા, પરંતુ જ્યારે ઇલેક્ટ્રિક વાહનો માટેની સબસિડી કાપવાની વાત આવી, ત્યારે તેમને સમસ્યા હતી. મસ્કે જવાબમાં કટાક્ષ કર્યો, આ બિલ રાતોરાત પસાર થઈ ગયું, કોઈ તેને વાંચી પણ શકયું નહીં. મને આ બિલ પણ બતાવવામાં આવ્યું નહીં! મામલો વધુ ગરમાયો જ્યારે મસ્કે એકસ પર દાવો કર્યો કે ટ્રમ્પનું નામ જાતીય ગુનેગાર જેફરી એપ્સ્ટેઈનની ફાઇલોમાં છે. તેમણે લખ્યું, એટલા માટે ફાઇલો છુપાવવામાં આવી રહી છે. સત્ય બહાર આવશે!

ગયા વર્ષે અમેરિકામાં યોજાયેલી ચૂંટણીઓમાં, એલોન મસ્ક ખુલ્લેઆમ ટ્રમ્પને ટેકો આપી રહૃાા હતા. તેઓ તેમના સમર્થનમાં રેલીઓ કરી રહૃાા હતા અને ખુલ્લેઆમ નાચતા હતા. ટ્રમ્પ જીત્યા ત્યારે પણ, મસ્કની ખુશીનો કોઈ પાર નહોતો. પરંતુ હવે એ જ એલોન મસ્ક ટ્રમ્પને હટાવવા માટે તૈયાર થઈ ગયા છે. ઇયાન માઇલ્સ નામના વ્યક્તિએ ઠ પર એક પોસ્ટમાં લખ્યું, ટ્રમ્પને મહાભિયોગમાંથી દૂર કરો, જેડી વાન્સ લાવો. એલોન મસ્કએ આ પોસ્ટ પર લખ્યું, હા તેમના ફક્ત એક શબ્દે હંગામો મચાવ્યો. તેનાથી સ્પષ્ટ થઈ ગયું કે મસ્ક ટ્રમ્પ વિરુદ્ધ ખુલ્લેઆમ મેદાનમાં ઉતરી આવ્યા છે.

ટ્રમ્પે ગુસ્સામાં મસ્કની કંપનીઓના સરકારી કરારો સમાપ્ત કરવાની ધમકી આપી. મસ્કે બદલામાં એક મોટી જાહેરાત પણ કરી, હવે સ્પેસએક્સ તેનું ડ્રેગન અવકાશયાન બંધ કરશે. આ એ જ વાહન છે જે અવકાશયાત્રીઓને નાસા માટે અવકાશ મથક પર લઈ જાય છે. અવકાશયાત્રી સુનિતા વિલિયમ્સને પણ આ દ્વારા પાછા લાવવામાં આવ્યા હતા. જો કે, સોશ્યલ મીડિયા પર કોઈએ ટિકકા ટિપ્પણી કર્યા પછી મસ્કે ડ્રેગન ચાલુ રાખવાની જાહેરાત કરી હોવાનુ જાણવા મળે છે.

જો આપને આ પોસ્ટ ગમી હોય તો શેર કરો...