Author: નોબત સમાચાર
નકલી પોલીસ-પત્રકાર બની 'તોડ' કરી લેનાર ટોળકીના રિમાન્ડ થયા મંજૂર
મોટર, બે સ્કૂટર, મોબાઈલ કબજે કરાયાઃ
જામનગર તા. ૬ઃ જામનગરના એક યુવાનને પોલીસ તથા પત્રકારની ખોટી ઓળખ આપી રૃા.૨૦ હજારનો તોડ કરી લેનાર રાજકોટની ટોળકીને પોલીસે દબોચી લીધા પછી એક દિવસના રિમાન્ડ પર લીધા હતા. આ શખ્સો પાસેથી મોટર, બે સ્કૂટર, ત્રણ મોબાઈલ, રૃા.૩૬૫૦ રોકડા કબજે કર્યા છે.
જામનગરના જૂના રેલવે સ્ટેશન પાસે વેલનગર નજીક વસવાટ કરતા હર્ષ જીજ્ઞેશ રાઠોડ નામના યુવાન પાસે ગયા રવિવારે આવેલા ત્રણ શખ્સ પૈકીના બે શખ્સે પોતાની ઓળખ રાજકોટ ક્રાઈમ બ્રાંચના અધિકારી હોવાની અને એક શખ્સે ત્રિલોક ન્યૂઝના પત્રકાર હોવાની આપી દેશી દારૃનો મોટો કેસ કરવો પડશે તેમ કહી દાટી મારી રૃા.૨૦ હજાર પડાવી લીધા હતા.
ત્યારપછી આ શખ્સોએ બીજા એક યુવાનની દુકાને જઈ તોડ કરવાની તજવીજ કરી હતી. આ શખ્સો પર શક પડતા પોલીસને જાણ કરાયા પછી ત્રણેય શખ્સ નકલી ઓળખ આપી પૈસા પડાવી ગયા હોવાનું ખૂલતા પોલીસમાં ફરિયાદ કરાઈ હતી. સિટી બી ડિવિઝનના પીઆઈ પી.પી. ઝાની સૂચનાથી સ્ટાફે તપાસ શરૃ કરી હતી.
તે દરમિયાન સ્મશાન ચોકડી નજીક એક મોટરમાં આ આરોપીઓ પસાર થઈ રહ્યા છે તેવી બાતમી મળતા ધસી ગયેલી પોલીસ ટીમે ત્યાંથી રાજકોટના આકાશ પ્રફુલ ધ્રાંગડ, સુરેશ રણમલ કારાણી, વિજય બુધા મકવાણા નામના ત્રણ શખ્સને દબોચી લઈ પૂછપરછ કરતા આ શખ્સોએ ઉપરોક્ત તોડની કબૂલાત આપી હતી. પોલીસે રૃા.૩ લાખની મોટર, રૃા.૧ લાખની કિંમતના બે સ્કૂટર, રૃા.૧૩ હજારના ત્રણ મોબાઈલ અને રૃા.૩૬૫૦ રોકડા કબજે કરી ત્રણેયની ધરપકડ કરી હતી. આ શખ્સોના એક દિવસના રિમાન્ડ મંજૂર થયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
