Author: નોબત સમાચાર
પટેલ કોલોનીમાં કુખ્યાત શખ્સે યુવાનને ફટકાર્યાે ધોકોઃ આતંકની વધુ એક ફરિયાદ
આ શખ્સનો ત્રાસ ડામવામાં નિષ્ફળતાઃ
જામનગર તા. ૨૩: જામનગરના કુખ્યાત લાઈન બોય દીવલા ડોને વધુ એક વખત પોલીસ ચોપડે નામ દર્જ કરાવ્યું છે. આ વખતે તેને એક વેપારીને માથા તથા પગમાં ધોકો ફટકારી ઈજા કરી છે. પોલીસે ગુન્હો નોંધી તપાસ હાથ ધરી છે.
જામનગરના પટેલ કોલોની વિસ્તારની શેરી નં.૧૦માં વસવાટ કરતાં ભદ્રેશભાઈ તુલસીદાસ ગોકાણી નામના યુવાન શનિવારે સાંજે સાડા પાંચેક વાગ્યે પાનની એક દુકાન પાસે હતા ત્યારે ત્યાં આવેલા દિવ્યરાજસિંહ મંગળસિંહ ચૌહાણ ઉર્ફે દીવલા ડોન નામના શખ્સે તેઓની સાથે બોલાચાલી શરૂ કરી ઝઘડો કર્યો હતો. તેથી ભદ્રેશભાઈએ તું કેમ ખોટી રીતે બોલાચાલી કરી ઝઘડો કરે છે તેમ કહેતા ઉશ્કેરાયેલા દીવલા ડોને પોતાની પાસે રહેલો ધોકો ભદ્રેશભાઈના માથામાં તથા બંને પગમાં ફટકારી ઈજા પહોંચાડી હતી અને તે પછી નાસી ગયો હતો.
સારવારમાં ખસેડાયેલા ભદ્રેશભાઈએ સીટી બી ડિવિઝન પોલીસ સ્ટેશનમાં ફરિયાદ નોંધાવી છે. ઉલ્લેખનીય છે કે, પૂર્વ પોલીસ કર્મચારીના પુત્ર એવા દીવલા ડોનના આતંકની અવારનવાર પોલીસમાં ફરિયાદ નોંધાતી રહે છે. આ શખ્સ સામે તાજેતરમાં પાસા હેઠળ પણ કામગીરી કરવામાં આવી હતી તેમ છતાં જામીનમુક્ત થઈ અવારનવાર બહાર આવી આ શખ્સ સામાન્ય લોકોને પજવતો રહે છે. આ શખ્સને ડામવામાં પોલીસ સરેઆમ નિષ્ફળ જઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
