Author: નોબત સમાચાર
દ્વારકામાં ત્રણ વર્ષ પહેલાં પત્નીની કુહાડો ઝીંકી હત્યા કરનાર પતિને આજીવન કેદ
મૃતક મહિલાના પુત્રએ નોંધાવી હતી ફરિયાદઃ
દ્વારકા તા. ૨૩: દ્વારકામાં રહેતા એક મહિલાની ત્રણ વર્ષ પહેલાં તેમના જ પતિએ કુહાડાના બે ઘા ઝીંકી હત્યા નિપજાવી હતી. તે કેસ ચાલી જતાં અદાલતે આરોપી પતિને આજીવન કેદની સજા ફટકારી છે. કામધંધો ન કરતા પતિને નગરપાલિકામાં નોકરી કરતી પત્નીની નોકરી ગમતી ન હોવાના કારણે થતાં રહેતા ઝઘડાના કારણે ઉશ્કેરાટમાં આવી પતિએ કુહાડો ઝીંક્યો હતો અને મામલો હત્યામાં પલટાયો હતો.
દ્વારકા શહેરમાં રૂક્ષ્મણી ગેઈટ નજીક મારવાડીવાસમાં વસવાટ કરતા લખમણભા કરમણભા સુમણીયાને કામધંધો કરવા બાબતે તેમના પત્ની સંતોકબેન લખમણભા કહેતા હતા. જ્યારે દ્વારકા નગરપાલિકામાં સંતોકબેન નોકરી કરતા હતા. આ બાબત પતિ લખમણભાને ગમતી ન હતી.
ઉપરોક્ત બાબતે પતિ-પત્ની વચ્ચે થતાં રહેતા ઝઘડા વચ્ચે ગઈ તા.૨૦-ર-રરના દિને બપોરે લખમણભા તથા સંતોકબેન વચ્ચે બોલાચાલી થઈ હતી. આ વેળાએ તેમનો પુત્ર સુનિલભા ઘરમાં હતો. તેણે વચ્ચે પડી માતા-પિતાને ઝઘડો કરતા અટકાવ્યા હતા. ત્યારપછી સુનિલભા કામ પર ચાલ્યા જતાં અંદાજે અઢી વાગ્યે લખમણભાએ ફરીથી બોલાચાલી શરૂ કરી પત્ની પર કુહાડાથી હુમલો કરી બે ઘા ઝીંકી દેતા આ મહિલા ઢળી પડ્યા હતા. તે પછી લખમણભાએ પણ ઘરમાં પડેલુ જલદ પ્રવાહી પી લીધુ હતું.
આ બનાવની જાણ થતાં સંતોકબેન તથા લખમણભાને સારવાર માટે અન્ય લોકોએ હોસ્પિટલ ખસેડ્યા હતા જ્યાંથી વધુ સારવાર માટે ખંભાળિયા લઈ જવાનું કહેવાતા સંતોકબેનને એમ્બ્યુલન્સમાં ખંભાળિયા લઈ જવાતા હતા ત્યારે માર્ગમાં જ આ મહિલાએ અંતિમ શ્વાસ લેતા આ બનાવ હત્યામાં પલટાઈ ગયો હતો.
મૃતક સંતોકબેનના બીજા પુત્ર જગદીશભાએ પોલીસમાં ફરિયાદ નોંધાવતા આઈપીસી ૩૦૨ સહિતની કલમો હેઠળ પોલીસે ગુન્હો નોંધી પિતા લખમણભા કરમણભા સુમણીયાની ધરપકડ કરી હતી. ઉપરોક્ત કેસ દ્વારકાની અદાલતમાં ચાલી જતાં અદાલતે આરોપીને હત્યાના ગુન્હામાં તક્સીરવાન ઠરાવી આજીવન કેદની સજા અને રૂ.૧પ હજારનો દંડ ફટકાર્યાે છે. સરકાર તરફથી પીપી એ.એચ. વ્યાસ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
