Author: નોબત સમાચાર
ઉઘરાણી કરી પાંચ શખ્સે યુવાનને લમધારી નાખી દાટી માર્યાની રાવ
નપાણીયા ખીજડીયામાં ફોન પર અપાઈ ધમકીઃ
જામનગર તા. ૨૩: કાલાવડના નપાણીયા ખીજડીયામાં અગાઉની એક માથાકૂટનો ખાર રાખી યુવાનને ફોન પર ધમકી અપાઈ હતી. જ્યારે નગરના યુવાન પાસે ઉઘરાણી કરી પાંચ શખ્સે ઢીકાપાટુથી માર માર્યાે હતો.
કાલાવડ તાલુકાના નપાણિયા ખીજડીયા ગામમાં રહેતા અનિલ કાલુભાઈ પરમાર ઉર્ફે લાલુ નામના યુવાનના પિતરાઈ ભાઈ સાથે દોઢેક મહિના પહેલા આ ગામના જ જતીન હીરાભાઈ પરમાર નામના શખ્સને ઝઘડો થયો હતો. આ વખતે થયેલી મારામારીનો કોઈએ વિડીયો ઉતારી લીધો હતો જેમાં છુટા પડાવવા આવેલા અનિલ કાલુભાઈ પરમાર પણ દેખાઈ રહ્યા હતા.
તે પછી શનિવારે બપોરે જતીન પરમારે ફોન કરીને કહ્યું હતું કે તે દિવસે તું મારા ઘર પાસે કેમ આવ્યો હતો તેમ કહી ગાળો ભાંડી જાનથી મારી નાખવાની ધમકી આપી હતી અનિલ પરમારે કાલાવડ ગ્રામ્ય પોલીસ સ્ટેશનમાં ફરિયાદ કરી છે.
જામનગરના ધરારનગર-૧માં રહેતા ઈશાક ઈસ્માઈલ નાઈ નામના યુવાન ગઈ તા.૧૯ની બપોરે સુભાષબ્રિજ પાસે આવેલા એક ગેરેજ પાસે બેઠા હતા ત્યારે ત્યાં આવી ચઢેલા અકબર ચૌહાણ તથા તેના પુત્રએ ભાડું આવ્યું છે તો પૈસા લાવ તેમ કરી ઉઘરાણી કરી હતી. આ વેળાએ ઈશાકભાઈએ મારે ગાડીનું કામ કરવાનું છે, મારી પાસે પૈસા નથી તેમ કહેતા બોલાચાલી કર્યા પછી અકબર તેમજ અકબરનો પુત્ર તથા શબ્બીર ચૌહાણ પાછા આવ્યા હતા અને ઢીકાપાટુથી માર મારી ધમકી આપી ચાલ્યા ગયા હતા.
ત્યારપછી અફઝલ ચૌહાણ તથા જીણીયો સમા નામના બે શખ્સ આવ્યા હતા. આ શખ્સોએ પણ ગાળો ભાંડી ઝપાઝપી કરી ઢીકાપાટુથી માર માર્યો હતો અને હવે તને અહીંયા નથી રહેવા દેવો તેમ કહી ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
