Author: નોબત સમાચાર
ખંભાળીયામાં ર૦ જાન્યુઆરી સુધીમાં દબાણો હટાવવા કડક સૂચના અપાઈ
નગરપાલિકાની ટાઉન વેન્ડીંગ કમિટીની મિટિંગ યોજાઈ
ખંભાળીયા તા. ૧૧ઃ ખંભાળીયા શહેરમાં નગરગેઈટથી ચાર રસ્તા વિજય સિનેમા રોડ પર જતાં રસ્તા પર બન્ને બાજુ રેંકડી રાખી શાકબકાલાવાળા તથા અન્ય ધંધાર્થીઓ ધંધા કરતા હોય આ બાબતે ટ્રાફિક જામની વારંવાર ફરિયાદો થતાં તથા મામલો છેક જિલ્લા કલેકટર તથા પોલીસ સુધી પહોંચતા તાજેતરમાં ખંભાળીયા નગરપાલિકા ચીફ ઓફિસર ભરતભાઈ વ્યાસની અધ્યક્ષતામાં પાલિકા કચેરીમાં ટાઉન વેન્ડીંગ કમિટીની ખાસ બેઠક યોજવામાં આવી હતી.
સમિતિના સદસ્યો હિતેન્દ્રભાઈ આચાર્ય, જગુભાઈ રાયચુરા, પાલિકા સમાજ સંગઠન શાખાના મીનાબેન, શોપ ઈન્સ્પેકટર રાજેશભાઈ જોશી, ટ્રાફિક ઈન્ચાર્જ પો.સ.ઈ કલોતરા, રાણાભાઈ ગઢવી તથા રેંકડીધારકોના પ્રતિનિધિઓ ઉપસ્થિત રહ્યા હતા તથા ચર્ચા કરવામાં આવી હતી.
આ મિટિંગમાં થયેલ ચર્ચા પ્રમાણે નગરગેઈટથી ચાર રસ્તા જતા રસ્તા પરના રેંકડી કેબીનવાળાને પાલિકા દ્વારા તેલી નદી પાસે વોર્કસ ઝોનમાં ગાલા આપવામાં આવ્યા હોય ત્યાં ર૦-૧-ર૪ સુધીમાં જવા નકકી કરાયું હતું તથા નગરગેઈટથી ચાર રસ્તા સુધી બન્ને તરફ કોઈ રેંકડી કેબીન રાખીને ટ્રાફિકને નડતરરૃપ ના થાય તે માટે પોલીસ તંત્ર દ્વારા વ્યવસ્થા કરવામાં આવશે.
પાલિકાના વોકર્સ ઝોન ગાલામાં સગવડો વધારવા તથા તમામને વોકર્સ ઝોનમાં જ માલ વેચે તેવી વ્યવસ્થા કરવા માટે પણ રજુઆત વોકર્સના પ્રતિનિધિઓ દ્વારા કરવામાં આવી હતી. તેલીના પૂલ પર દોરડા વેચતા ધંધાર્થીને પણ અલગ જગ્યાએ વેચવા આદેશ કરાયો હતો તથા ટ્રાફિકના સંદર્ભમાં ખાસ પગલાનું આયોજન પણ તંત્ર દ્વારા કરાયું હતું. તથા ચીફ ઓફિસર દ્વારા મુલાકાત પણ લેવાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
