Author: નોબત સમાચાર
કાશ્મીર માઈનસ પાંચ ડીગ્રી સાથે ટાઢું બોળઃ પાંચ રાજ્યોમાં ધુમ્મસની વોર્નિંગ
દિલ્હી સહિત ઉત્તર ભારતમાં થથરાવતી ઠંડી
નવી દિલ્હી તા. ૧૧ઃ ઉત્તરભારતમાં થથરાવતી ઠંડી પડી રહી છે, જ્યારે ઘણાં રાજ્યોમાં ધુમ્મસ છવાયું છે. હવામાન વિભાગે પણ પાંચ રાજ્યોમાં ધુમ્મસની ચેતવણી જાહેર કરી હતી. કાશ્મીરમાં માઈનસ પાંચ ડીગ્રી તાપમાન છે અને તીવ્ર ઠંડી અનુભવાઈ રહી છે.
રાજધાની દિલ્હી સહિત સમગ્ર ઉત્તર ભારતમાં હાડ થીજવતી ઠંડી પડી રહી છે તેમજ ગાઢ ધુમ્મસના કારણે દેશના વિવિધ ભાગોમાંથી દિલ્હી તરફ આવતી ર૪ ટ્રેનો મોડી ચાલી રહી છે. હવામાન વિભાગના જણાવ્યા અનુસાર આગામી દિવસોમાં ઠંડા પવનોથી થોડી રાહત મળી શકે છે. આ ઉપરાંત હવામાન વિભાગે દિવસ દરમિયાન લઘુતમ તાપમાન ઘટીને ૬ ડીગ્રી થવાની શક્યતા જણાવી છે, જ્યારે મહત્તમ તાપમાન ૧૭ ડીગ્રી સુધી રહેવાની સંભાવના વ્યક્ત કરી હતી.
દેશમાં સૌથી ખરાબ સ્થિતિ જમ્મુ-કાશ્મીરની છે, જ્યાં તાપમાન શૂન્યથી પ ડીગ્રી નીચે પહોંચ્યું છે. તેના કારણે ત્યાં હાડ થીજવતી ઠંડી પડી રહી છે. વિઝિબિલિટી ઓછી હોવાને કારણે વાહનચાલકોને મુશ્કેલીનો સામનો કરવો પડી રહ્યો છે. રાજધાની દિલ્હી તેમજ એનસીઆરના ઘણાં વિસ્તારોમાં ઠંડીનો પ્રકોપ યથાવત્ છે. ઉત્તર તરફથી આવતા બર્ફીલા પવનોને કારણે હાડ થીજવતી ઠંડી પડી રહી છે.
ઉત્તર ભારતના બિહાર, હરિયાણા, ઉત્તરપ્રદેશ અને દિલ્હીમાં ઠંડા પવનો ફૂંકાઈ રહ્યા છે અને ગાઢ ધુમ્મસને કારણે વિઝિબિલિટી ઓછી હોવાને કારણે વાહનચાલકોને મુશ્કેલીનો સામનો કરવો પડી રહ્યો છે તેમજ દિલ્હી તરફ આવતી મોટાભાગની ટ્રેનો મોડી ચાલી રહી છે.
ઠંડીને કારણે જ નજીવન પ્રભાવિત થયું છે. લોકો ઠંડીથી બચવા માટે દિલ્હીના આનંદ વિહાર બસ સ્ટેન્ડ, કાશ્મીરી ગેટ અને જુની દિલ્હી રેલવે સ્ટેશનની બહાર તાપણાં કરતા જોવા મળી રહ્યા છે.
જમ્મુ-કાશ્મીર, પશ્ચિમી રાજસ્થાન અને પૂર્વ મધ્યપ્રદેશના કેટલાક ભાગોમાં ગાઢ ધુમ્મસ છવાયું હતું. પંજાબ, ઉત્તરપ્રદેશ, પશ્ચિમી મધ્યપ્રદેશ, પૂર્વ રાજસ્થાન, બિહાર, હરિયાણા, ઓડિશા અને ત્રિપુરામાં પણ ગાઢ ધુમ્મસ છવાયું હતું. હવામાન વિભાગની આગાહી મુજબ પંજાબ, ઉત્તરપ્રદેશ, હરિયાણા, ઓડિશા અને ત્રિપુરામાં ગાઢ ધુમ્મસ છવાયેલું રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
