Author: નોબત સમાચાર
વાડીનાર પાસે મકાનમાં જામેલા જુગાર પર એલસીબીનો દરોડોઃ સાત પત્તાપ્રેમી પકડાયા
વરવાળામાં બે દરોડામાં પાંચ શખ્સની ધરપકડઃ
જામનગર તા. ૧૧ઃ ખંભાળિયાના વાડીનાર ગામ પાસે એક મકાનમાં ગઈકાલે સાંજે જુગાર રમાતો હોવાની બાતમી પરથી એલસીબીએ દરોડો પાડી સાત શખ્સને ઝડપી લીધા છે. રૃપિયા પોણા ત્રણ લાખનો મુદ્દામાલ કબજે કરાયો છે.
ખંભાળિયા તાલુકાના વાડીનારથી ઝાખર ગામ વચ્ચેના રોડ પર પ્રફુલસિંહ મોતીભા જાડેજાના મકાનમાં જુગાર રમાતો હોવાની બાતમી દ્વારકા એલસીબીના મશરીભાઈ તથા ભરત જમોડ, લાખાભાઈ પીંડારીયાને મળતા પીઆઈ કે.કે. ગોહિલની સૂચનાથી પીએસઆઈ બી.એમ. દેવમુરારી, એસ.વી. ગરચરના વડપણ હેઠળ સ્ટાફે ગઈકાલે સાંજે ત્યાં દરોડો પાડ્યો હતો.
આ સ્થળે પ્રફુલસિંહને નાલ આપી ગંજીપાના વડે જુગાર રમતા જયેન્દ્રસિંહ ગુલાબસિંહ જાડેજા, બહાદુરસિંહ ઘેલુભા જાડેજા, ગિરીરાજસિંહ દીપસિંહ જાડેજા, ખોડુભા ગુમાનસંગ જાડેજા, શિવુભા જીલુભા જાડેજા, જયદીપસિંહ બળવંતસિંહ જાડેજા નામના છ શખ્સ મળી આવ્યા હતા. એલસીબીએ પટમાંથી રૃા.૪૪૨૩૦ રોકડા, સાત મોબાઈલ, છ બાઈક મળી કુલ રૃા.૨,૭૯,૨૩૦નો મુદ્દામાલ કબજે કર્યાે છે. સાતેય શખ્સ સામે વાડીનાર મરીન પોલીસ સ્ટેશનમાં જુગારધારાની કલમ ૪, ૫ હેઠળ ગુન્હો રજીસ્ટર કરાવવામાં આવ્યો છે.
દ્વારકા તાલુકાના વરવાળા ગામમાં ગઈકાલે સાંજે ગંજીપાના વડે જુગાર રમતા રાણાભાઈ ઉગાભાઈ શીરૃકા, ધાંધાભાઈ રામભાઈ ચાનપા, રાણાભાઈ જીવાભાઈ ચાસીયા નામના ત્રણ શખ્સને પોલીસે પકડી પાડ્યા હતા.
વરવાળામાં પાડવામાં આવેલા બીજા દરોડામાં રાજુભાઈ પાલભાઈ ફફલ, તારમામદ શરીફ જીવાણી નામના બે શખ્સ તીનપત્તી રમતા પકડાઈ ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
