Author: નોબત સમાચાર
જામનગરના દિગ્જામ વુલન મીલ પાસે બાવરીવાસમાં દેશી દારૃ પકડવા દરોડા
પોલીસે પાંચ મહિલાના ઝૂંપડામાંથી પકડ્યો જથ્થોઃ
જામનગર તા.૧૮ ઃ જામનગરના દિગ્જામ વુલન મીલ નજીક ગણપતનગર પાસેના બાવરીવાસ, ફાટક નજીકના બાવરીવાસ તથા સિદ્ધાર્થનગર પાસેના બાવરી વાસમાં ગઈકાલે પોલીસે દરોડા પાડ્યા હતા. પાંચ મહિલાના ઝૂંપડામાંથી દેશી દારૃ તથા આથાનો જથ્થો ઝડપાઈ ગયો હતો. પાંચેય મહિલાને પકડી પાડવાની તજવીજ કરાઈ છે.
જામનગરના દિગ્જામ વુલન મીલ વિસ્તારમાં આવેલા ગણપતનગર નજીકના બાવરીવાસમાં રહેતા ગંગાબેન લક્ષ્મણભાઈ પરમાર નામના મહ મહિલાના ઝૂંપડામાં ગઈકાલે સિટી-સી ડિવિઝનના સ્ટાફે દરોડો પાડતા ત્યાંથી દેશી દારૃની ભઠ્ઠી મળી આવી હતી. તે સ્થળેથી છ લીટર તૈયાર દેશી દારૃ, ભઠ્ઠીના સાધનો મળી આવ્યા હતા. જ્યારે ત્યાં જ રહેતા જશોદાબેન હંસરાજભાઈ ડાભીના ઝૂંપડામાંથી ૧૦૦ લીટર આથો, આઠ લીટર દેશી દારૃ, ભઠ્ઠીના સાધનો ઝડપાઈ ગયા હતા.
તે ઉપરાંત વુલન મીલ ફાટક બાવરીવાસમાં રહેતા સુનીતાબેન વિજયભાઈ ડાભીના ઝૂંપડામાંથી ૧૫ લીટર દારૃ, ૫૦ લીટર આથો, ઉમરાવતીબેન સુખીલાલ પરમારના ઝૂંપડામાંથી પણ દેશી દારૃ તથા આથો અને સિદ્ધાર્થનગરની શેરી નં.૩માં બાવરીવાસમાંથી માયાબેન ભરતભાઈ પરમાર નામના મહિલાના ઝૂંપડામાંથી ૧૦૦ લીટર આથો, ૧૭ લીટર દારૃ ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
