Author: નોબત સમાચાર
ધ્રોલ તાલુકાના ગઢડા ગામના ખેડૂતને જમીન આપી દેવાનું કહી અપાઈ ધમકી
એક શખ્સે ફોન કરી ગાળો ભાંડ્યાની રાવઃ
જામનગર તા.૧૮: ધ્રોલ તાલુકાના ગઢડા ગામના એક ખેડૂતને તેની જમીન આપી દેવાનું કહી બે શખ્સે ખેતરે જઈ ગાળો ભાંડ્યા પછી ધમકી આપી હતી. જ્યારે એક શખ્સે ફોન કરી પતાવી દેવાની ધમકી ઠપકારી હતી. ત્રણેય સામે પોલીસમાં ફરિયાદ કરવામાં આવી છે.
ધ્રોલ તાલુકાના ગઢડામાં રહેતા અને ખેતીકામ કરતા દિલીપસિંહ હઠુભા જાડેજા નામના યુવાન મંગળવારે સાંજે પોતાના ખેતરે કામ કરતા હતા ત્યારે ગઢડા ગામના જ મહેશ ગળચર, કિશોરસિંહ લાલુભા જાડેજા નામના બે શખ્સ ધસી આવ્યા હતા.
આ શખ્સોએ ગાળો ભાંડી દિલીપસિંહને ધમકી આપી હતી કે, તું આ જમીન અમને આપી દે, નહીં આપે તો જાનથી મારી નાખીશું તે પછી હરપાલસિંહ કિશોરસિંહ જાડેજાએ ફોન કરી દિલીપસિંહ હઠુભાને ગાળો ભાંડી જાનથી મારી નાખવાની ધમકી આપી હતી. ધ્રોલ પોલીસ સ્ટેશનમાં દિલીપસિંહે ત્રણેય સામે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
