Author: નોબત સમાચાર
તળાવની પાળે બેસી મોબાઈલમાં ક્રિકેટનો સટ્ટો રમતા બે ઝડપાયાઃ ત્રીજાનું નામ ખૂલ્યું
સિક્કામાંથી પણ બે સટ્ટાખોરની ધરપકડઃ
જામનગર તા.૧૮: જામનગરના રણમલ તળાવની પાળ પર બેસી ક્રિકેટનો સટ્ટો રમતા બે શખ્સને પોલીસે પકડી પાડ્યા છે અને તેઓએ ત્રીજા શખ્સનું નામ આપ્યું છે. જ્યારે સિક્કાની પંચવટી કોલોનીમાંથી પણ બે શખ્સ સટ્ટો રમતા ઝડપાયા છે. પોલીસે બે બાઈક, ચાર મોબાઈલ, રોકડ કબજે કર્યા છે.
જામનગરના રણમલ તળાવની પાળી પર બેસી બે શખ્સ ગઈકાલની આઈપીએલ ની મેચ પર સટ્ટો રમતા હોવાની બાતમી સિટી-એ ડિવિઝનના સર્વેલન્સ સ્ટાફના ઋષિરાજ સિંહ, શિવરાજસિંહને મળતા પીઆઈ એન.એ. ચાવડાને તેનાથી વાકેફ કરાયા પછી પોલીસે દરોડો પાડ્યો હતો.
ત્યાં આવેલા ગેઈટ નં.ર સામેની તળાવની પાળી પર બેસી પોતાના મોબાઈલમાં સ્કોર નિહાળી રનફેર, વિકેટ વગેરેના સોદા કરતા નિલેશ શાંતિલાલ મુુંજાલ તથા વિજય ભગવાનજી જોઈસર નામના બે શખ્સ મળી આવ્યા હતા. પોલીસે બંનેના મોબાઈલ તથા રૃા.૧૧,૩૦૦ રોકડા મળી કુલ રૃા.૧૮,૩૦૦નો મુદ્દામાલ કબજે કર્યાે છે. આ શખ્સોએ પોતાની પાસેથી કપાત લેતાં જગદીશ ઉર્ફે જેપીનુું નામ આપ્યું છે. હે.કો. રવિરાજસિંહે ત્રણેય સામે ગુન્હો નોંધાવ્યો છે.
જામનગર તાલુકાના સિક્કાની પંચવટી કોલોનીમાં ગઈકાલે રાત્રે આઈપીએલની મેચ પર સટ્ટો રમતા સતિષ ઉર્ફે સતિયા ચેતનભાઈ શેન, પ્રવીણ નાથુરામ પ્રજાપતિ નામના બે શખ્સને સિક્કા પોલીસે પકડી પાડ્યા હતા. આ શખ્સોના કબજામાંથી મોબાઈલ, રોકડ તથા જીજે-૧૦-ડીડી ૩૭૫૭, જીજે-૧૦-સીસી ૭૮ નંબરના બે બાઈક મળી કુલ રૃા. ૩૭,૫૦૦નો મુદ્દામાલ ઝબ્બે લેવામાં આવ્યો છે. આ શખ્સોએ કારા ભુંગામાં રહેતા રાહુલ પ્રજાપતિ નામના શખ્સનું નામ પણ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
