Author: નોબત સમાચાર
બાવળની ઝાળીઓમાં સંતાડીને રાખવામાં આવેલી ઈંગ્લીશ દારૂની ૯ર બોટલ કબજેઃ એક શખ્સ ઝડપાયો
ત્રણ સ્થળેથી મળી આવી દેશી દારૂની ભઠ્ઠીઃ
જામનગર તા. ૨૪: જામનગરના ખોડિયાર કોલોની વિસ્તારમાં ૯ર કવાર્ટર પાસેથી ગઈરાત્રે પોલીસે બાવળની ઝાળીઓમાં સંતાડીને રાખવામાં આવેલી ઈંગ્લીશ દારૂની ૯૮ બોટલ કબજે કરી છે. ઝડપાયેલા શખ્સે સાગરિતનું નામ આપ્યું છે. ત્રણ સ્થળેથી દેશી દારૂની ભઠ્ઠી ઝડપાઈ ગઈ છે.
જામનગરના ખોડિયાર કોલોની વિસ્તારમાં આવેલા ૯ર કવાર્ટર પાછળ બાવળની ઝાળીમાં એક શખ્સે ઈંગ્લીશ દારૂનો જથ્થો સંતાડ્યો હોવાની બાતમી પરથી ગઈરાત્રે સિટી સી ડિવિઝનના સ્ટાફે ત્યાં દરોડો પાડતા બિપીન કારાભાઈ મુછડીયા ઉર્ફે લાકડી નામનો શખ્સ ઈંગ્લીશ દારૂની ૯૮ બોટલ સાથે ઝડપાઈ ગયો હતો. આ શખ્સની પૂછપરછ હાથ ધરાતા તેણે પોતાના સાગરીત વિમલ તુલસીભાઈ પમનાણી ઉર્ફે ડોડારાનું નામ આપ્યું છે. રૂ.૪૯ હજારની બોટલ કબજે કરાઈ છે.
જામનગરના પવનચક્કી વિસ્તારમાંથી શનિવારે રાત્રે પસાર થતાં શંકરટેકરી સ્થિત સિદ્ધાર્થ કોલોનીમાં રહેતા રોહિત ડાયાભાઈ રાઠોડ નામના શખ્સને પોલીસે શકના આધારે રોકાવી તેની તલાશી લેતા આ શખ્સ પાસેથી ભારતીય બનાવટના અંગ્રેજી શરાબની એક બોટલ મળી આવી હતી. જ્યારે રણજીતસાગર રોડ પર આવેલી હર્ષદ મીલની ચાલી પાસેથી શનિવારે રાત્રે વૃદ્ધાશ્રમ નજીક આવેલી દવાબજાર કોલોનીમાં રહેતો નરેશ વજુભાઈ વરાળીયા નામનો શખ્સ ઇંગ્લિશ દારૂની એક નાની બોટલ સાથે ઝડપાઈ ગયો છે. જામનગરના દિગ્જામ વુલન મીલ નજીક બાવરી વાસમાં કેસરીબેન રામપ્રસાદ પરમાર નામના મહિલાના ઝૂંપડામાંથી દેશી દારૂની ભઠ્ઠી મળી આવી છે. બેજવંતી વિજયસિંગ ડાભી તથા ગંગાબેન લક્ષ્મણભાઈ પરમાર નામના અન્ય બે મહિલાના ઝૂંપડામાંથી પણ દેશી દારૂની ભઠ્ઠી મળી આવી છે. સ્થળ પરથી દારૂ, આથો, ભઠ્ઠીના સાધનો કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
