Advertisement
Author: નોબત સમાચાર

કાલાવડ નાકા પાસે ઘોડીપાસા વડે જુગાર રમતા ત્રણ ઝડપાયાઃ ત્રણ ફરાર

દરેડમાંથી છ શખ્સ ગંજીપાના કૂટતા પકડાયાઃ

જામનગર તા. ૧૭ઃ જામનગરના કાલાવડ નાકા વિસ્તારમાં બુધવારે બપોરે ઘોડીપાસાથી જુગાર રમતા ત્રણ શખ્સ પોલીસના દરોડામાં ઝડપાયા હતા અને ત્રણ નાસી ગયા હતા. દરેડ જીઆઈડીસીમાંથી બુધવારે સાંજે ગંજીપાના કૂટતા છ શખ્સને પોલીસે પકડી લઈ ગંજીપાના તેમજ રોકડ રકમ ઝબ્બે લીધા હતા.

જામનગરના કાલાવડ નાકા વિસ્તારમાં આવેલી રંગુનવાલા હોસ્પિટલ પાસે અગિયારી પીરના ચોકમાં તબેલા નજીક બુધવારની બપોરે ઘોડીપાસા વડે જુગાર રમાતો હોવાની બાતમી મળતા સિટી-એ ડિવિઝન પોલીસ સ્ટેશનના સ્ટાફે દરોડો પાડ્યો હતો.

આ સ્થળે ઘોડીના પાસા ફેંકી પૈસાની હારજીત કરતા ઈરફાન સલીમ બ્લોચ ઉર્ફે કારો, મુસ્તુફામિયાં અમીરમિયાં બુખારી, મોઈન અજીઝ ફૂલવાલા નામના ત્રણ શખ્સ મળી આવ્યા હતા. પોલીસને જોઈને અફીઝ ગરાણા, શબ્બીર શેખ, એજાઝ સલીમ વાઘેર નામના ત્રણ શખ્સ નાસી ગયા હતા. પોલીસે પટમાંથી રૃા.૬૧૨૦ રોકડા, એક મોબાઈલ, ઘોડીપાસા કબજે કરી ગુન્હો નોંધ્યો છે.

જામનગરના દરેડ જીઆઈડીસી ફેસ-ર પાસે વિશાલ ચોક નજીક બુધવારે સાંજે ગંજીપાનાથી જુગાર રમતા મફતભાઈ કાનજીભાઈ સોઢા, હિમાંશુ બાબુભાઈ ગુપ્તા, ખીમબહાદુર રીમબહાદુર ભૂષણ, સંદીપ નંદભાઈ પંડિત, સંતોષ ભગવતીભાઈ વર્મા, રીંકુ સુરજભાઈ વર્મા નામના છ શખ્સ પોલીસના દરોડામાં ઝડપાઈ ગયા હતા. પોલીસે પટમાંથી રૃા.૬૩૦૦ રોકડા કબજે કરી ગુન્હો નોંધ્યો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh