Author: નોબત સમાચાર
રસોઈ બાબતે ઝઘડો કરી મુંગણીમાં માતા પર પુત્રએ વરસાવ્યા ઢીકાપાટુ
પ્રેમલગ્નના પ્રશ્ને બેડમાં મહિલા પર હુમલોઃ
જામનગર તા. ૧૭ઃ જામનગરના બેડ ગામના એક મહિલાને ઘરમાં ઘૂસી ચાર શખ્સે માર માર્યાે હતો. તેણીએ દસેક વર્ષ પહેલાં કરેલા પ્રેમલગ્નના ખારના કારણે હુમલો કરાયાનું પોલીસ ફરિયાદમાં જણાવાયું છે. મુંગણી ગામમાં રસોઈ કેમ બનાવી નથી તેમ કહી પુત્રએ માતાને ધોકાવ્યાનું પોલીસ ફરિયાદમાં જાહેર થયું છે.
જામનગર-ખંભાળિયા ધોરીમાર્ગ પર આવેલા બેડ ગામમાં મુંડિયાની વાવ પાસે રહેતા સોનલબેન મનસુખભાઈ લુણા નામના રબારી મહિલા પર બેસતા વર્ષની બપોરે બેડ ગામના જ ચાર શખ્સે ઘરે જઈને ઝઘડો કર્યા પછી હુમલો કર્યાે હતો. દસેક વર્ષ પહેલા સોનલબેને પોતાના મનગમતા પાત્ર સાથે પ્રેમ લગ્ન કર્યા હતા.
તે બાબત પસંંદ નહીં પડતા બેસતા વર્ષની બપોરે સુરાભાઈ મેરામણ પરમાર, ખીમાભાઈ મેરામણ પરમાર, રઘુભાઈ સુરાભાઈ પરમાર, કરણ સુરાભાઈ પરમાર ધસી આવ્યા હતા. તેઓએ ઘરમાં ઘૂસીને સોનલબેનને ધોલધપાટ કર્યા પછી ઢીકાપાટુથી માર માર્યો હતો અને કોઈને આ વાત કરીશ તો જાનથી મારી નાખીશું તેવી ધમકી આપી હતી.
જામનગર તાલુકાના મુંગણી ગામમાં રહેતા ગીતાબા દિપકસિંહ જાડેજા નામના પ્રૌઢા દિવાળીની સાંજે પોતાના ઘરે હતા. ત્યારે તેમનો ૨૪ વર્ષનો પુત્ર યોગીરાજસિંહ ઘેર આવ્યો હતો. તેણે માતાને જમવા માટે પૂછ્યું હતું અને હજુ સુધી જમવાનું કેમ બનાવ્યું નથી તેમ કહી ગાળો ભાંડી ઢીકાપાટુ વડે માતા ગીતાબાને માર માર્યો હતો અને તેણીની હાથની આંગળી બેવડી વાળી નાખી જાનથી મારી નાખવાની ધમકી આપી હતી. માતાએ સિક્કા પોલીસ સ્ટેશનમાં પુત્ર સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
