Author: નોબત સમાચાર
ફાયરીંગ કરતો હોય તેવો ફોટો વાયરલ કરનાર શખ્સ સામે એસઓજીની કાર્યવાહી
પરવાનાવાળી બંદૂક પણ કબજે કરાઈઃ
જામનગર તા. ૧૯: જામનગરના ચૂનાના ભઠ્ઠા વિસ્તારમાં રહેતા એક શખ્સે બંદૂકમાંથી ફાયરીંગ કરતો હોય તેવો ફોટો પાડી સોશિયલ મીડિયા પર વાયરલ કરતા એસઓજીએ તેને શોધી કાઢી પરવાનાવાળી બંદૂક કબજે કરી આ શખ્સ સામે ગુન્હો નોંધાવ્યો છે.
જામનગર શહેર તથા જિલ્લામાં કેટલાક શખ્સો સોશિયલ મીડિયામાં પોતાના ફોટા અપલોડ કરવાની સાથે હથિયાર પણ ધારણ કરી ધાક જમાવવાનો પ્રયાસ કરતા હોવાથી આવા શખ્સોને દબોચી લેવા અને ગુન્હા નોંધવા સૂચના અપાતા એસઓજી પીઆઈ બી.એન. ચૌધરીની સૂચનાથી પીએસઆઈ એલ.એમ. જેર, એ.વી. જેર તેમજ સ્ટાફ દ્વારા સોશિયલ મીડિયા પર નજર રખાઈ રહી છે.
તે દરમિયાન ઈન્સ્ટાગ્રામ પર એક આઈડીમાં હથિયાર સાથેનો એક શખ્સનો ફોટો જોવા મળ્યો હતો જેમાં બંદૂક વડે ફાયરીંગ કરાતું હોય તેવો પોઝ હતો. પોલીસે તે શખ્સની શરૂ કરેલી શોધખોળમાં અસરફ જુમા ખફી નામના ચૂનાના ભઠ્ઠા પાસે રહેતા શખ્સે પોતાનો ફોટો વાયરલ કર્યાનું જણાઈ આવતા એસઓજીએ તેને શોધી કાઢી પરવાનાવાળી બાર બોરની બંદૂક કબજે કરી તેની સામે આર્મ્સ એક્ટની કલમ ૩૦ હેઠળ સિટી એ ડિવિઝનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
