Author: નોબત સમાચાર
મજૂરીની જમા થયેલી રકમ માંગતા યુવાન પર મામાના દીકરા સહિત ચાર શખ્સનો હુમલો
તલવાર, ધોકા, પાઈપથી આડેધડ ફટકારાયોઃ
જામનગર તા.૧૮ ઃ જામનગરના મસીતિયા ગામના એક યુવાને પોતાની મજૂરીના મામાના દીકરા પાસે જમા થયેલા રૃા.૪૦ હજાર માંગતા મામાના દીકરા અને તેના પુત્ર સહિત ચારે આ યુવાનને લમધારી નાખ્યો હતો.
જામનગર તાલુકાના મસીતિયા ગામમાં ઈદ મસ્જિદ પાસે રહેતા આરીફ હનીફભાઈ ખીરા નામના યુવાનને ગઈકાલે બપોરે મસીતિયા ગામના જ લતીફ મુસા પતાણી તથા તેના ભાઈ કાસમ અને જાવિદ પતાણી તેમજ રઝાક લતીફ પતાણીએ રોકી લીધો હતો.
આ ચારેય શખ્સોએ ગાળો ભાંડ્યા પછી તલવાર, પાઈપ, ધોકા વડે હુમલો કરી આડેધડ ફટકાર્યાે હતો. ઈજાગ્રસ્ત આરીફને સારવારમાં ખસેડવામાં આવ્યો છે જ્યાંથી તેણે ગઈરાત્રે પંચકોશી-બી ડિવિઝન પોલીસ સ્ટેશનમાં ફરિયાદ નોંધાવી છે.
ફરિયાદમાં ઈજાગ્રસ્તે જણાવ્યા મુજબ તેના મામાના દીકરા લતીફ પતાણી પાસે મજૂરીના રૃા.૪૦ હજાર જમા થયા હતા. તે રકમની ફઈના દીકરા આરીફે ઉઘરાણી કરતા લતીફ, તેના પુત્ર રઝાક અને બે ભાઈએ લમધારી નાખ્યો હતો. પોલીસે આરીફની ફરિયાદ પરથી ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
