Author: નોબત સમાચાર
ઝઘડા અંગે સમજાવટ કરવા ગયેલા યુવાન પર બે મહિલા સહિત ચારનો હુમલો
પોલીસને બાતમી આપવાની આશંકાથી અપાઈ ધમકીઃ
જામનગર તા.૨: જામનગરના રેતીના એક વ્યવસાયીને ત્રણ શખ્સે માર માર્યાની તેમજ સિક્કામાં સમજાવટ કરવા ગયેલા એક યુવાનને બે મહિલા સહિત ચારે ધોકાવ્યાની તથા પોલીસને બાતમી આપ્યાની આશંકાથી એક યુવાનને ફોન પર ધમકી મળ્યાની પોલીસમાં ફરિયાદ કરાઈ છે.
જામનગરના રણજીત સાગર રોડ પર આવેલી ગ્રીન સિટીમાં રહેતા અને રેતીના વ્યવસાય સાથે સંકળાયેલા મહોબતસિંહ અભયસિંહ જાડેજા શનિવારે ગોકુલનગર નજીકના સાંઢિયા પુલ પાસેથી પોતાની મોટરમાં જતા હતા ત્યારે જોડીયા ગામના રાજભા કેશુભા સોઢા તથા લાખાણી ગામના જુવાનસિંહ અને એક અજાણ્યા શખ્સે રોકી ગાળો ભાંડ્યા પછી ઢીકાપાટુ વડે માર માર્યો હતો. જ્યારે રાજભાએ હાથમાં છરી હુલાવી હતી.
જામનગર તાલુકાના સિક્કાના કારા-ભુંગા વિસ્તારમાં જગદીશભાઈ વાલજીભાઈ ચૌહાણ નામના યુવાન એક બોલાચાલી બાબતે બાજુમાં જ રહેતા ધીરજ કાંતિભાઈ ચૌહાણને શનિવારે રાત્રે સમજાવવા ગયા ત્યારે તેમના પર ધીરજ તેમજ વસંત કાંતિભાઈ, કાંતાબેન કાંતિભાઈ, મિતલબેન ધીરજભાઈએ ધોકા, ટોમી, ઢીકાપાટુ વડે હુમલો કરી કરોડરજ્જુ, પગ તથા પાંસળીમાં ફ્રેક્ચર કરી નાખ્યા હતા. જગદીશભાઈએ ગઈકાલે સિક્કા પોલીસ સ્ટેશનમાં ફરિયાદ નોંધાવી છે.
જામનગરના ગોકુલનગરમાં રહેતા પૃથ્વીરાજસિંહ ભરતસિંહ જાડેજા નામના યુવાનને શનિવારે રાત્રે પ્રજાપતિ સોસાયટીની શેરી નં.૭માં રહેતા ભીમા ગોવા કરમુર નામના શખ્સે ફોન કરી તારા પિતાએ બે વર્ષ પહેલા પોલીસને બાતમી આપી હતી તેમ કહી ગાળો ભાંડ્યા પછી પિતા-પુત્રને છરી મારી દેવાની ધમકી આપ્યાની રાવ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
