Advertisement
Author: નોબત સમાચાર

મોટાબાપુનો અકસ્માત થયાનું જણાવી યુવાનનું મોટરમાં અપહરણઃ મોબાઈલ, એટીએમ કાર્ડ લૂંટાયા

એક આરોપીની અટકાયતઃ બેની શોધખોળઃ

                                                                                                                                                                                                      

જામનગર તા. ૮: ખંભાળિયાના એક યુવાનને તેના મોટાબાપુનો અકસ્માત થયો છે તેમ જણાવી ત્રણ શખ્સે મોટાબાપુના ઘેર જવાનું કહ્યા પછી રાત્રિના સમયે રસ્તામાંથી ઉઘરાણીના મામલે આ યુવાનનું મોટરમાં અપહરણ કરી રૂ.૨૦ હજારનો મોબાઈલ અને એટીએમ કાર્ડ લૂંટી લીધાની પોલીસમાં ફરિયાદ કરાઈ છે. પોલીસે એક આરોપીને પકડી પાડ્યો છે.

ખંભાળિયા શહેરના ગુગ્ગુળી ચોકમાં રંગમોલ શાળા પાસે વસવાટ કરતા કરણભાઈ નીતિનભાઈ ગુસાણી નામના સોની યુવાન ટ્યૂશન ક્લાસીસ ચલાવે છે. થોડા વખત પહેલાં તેમના પિતા નીતિનભાઈએ કોઈ પાસેથી પૈસા હાથઉછીના લીધા હતા.

આ પૈસાની ઉઘરાણી માટે ગયા શુક્રવારે ખંભાળિયાની વોકળા શેરીમાં રહેતા મોયુદ્દીન જાવેદ દરવેશ ઉર્ફે મોનુ, નવાઝ યાકુબ સેતા તથા જોહિલ ફિરોઝ દરવેશ નામના ત્રણ શખ્સે કારસો રચ્યો હતો. આ શખ્સોએ કરણભાઈને તેમના મોટાબાપુનો અકસ્માત થયો છે તેમ કહેતા શુક્રવારે રાત્રે દસેક વાગ્યે પોરબંદર રોડ પર રહેતા મોટાબાપુના ઘેર કરણભાઈ દોડી ગયા હતા.

આ યુવાનને રસ્તામાં રોકી લઈ ઉપરોક્ત ત્રણેય શખ્સે બળજબરીથી ઈકો મોટરમાં નાખી તેઓનું અપહરણ કર્યું હતું અને અવાવરૂ જગ્યાએ લઈ જઈ ઢીકાપાટુથી માર મારી કરણભાઈનો રૂ.૨૦ હજારની કિંમતનો સેમસંગ કંપનીનો મોબાઈલ અને એક એટીએમ કાર્ડ લૂંટી લીધા હતા. આ શખ્સોની ચુંગાલમાંથી છટક્યા પછી શનિવારે કરણભાઈએ પોલીસમાં ફરિયાદ નોંધાવી હતી. પોલીસે ગુન્હો નોંધી શરૂ કરેલી તપાસમાં જોહિલ ફિરોઝ ઝડપાઈ ગયો છે અને બાકીના બે શખ્સની શોધ કરાઈ રહી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh