Author: નોબત સમાચાર
દ્વારકા તથા ઓખા નગરપાલિકા વિસ્તારમાં સરકારી એજન્સીના નામે વિકાસના કામો ઠપ્પ
દેવભૂમિ દ્વારકા જિલ્લામાં
દ્વારકા તા. ૮: દેવભૂમિ દ્વારકા જિલ્લાના સુપ્રસિદ્ધ યાત્રાધામ ઓખા દ્વારકા શહેર તથા તાલુકામાં ઓખા, બેટદ્વારકા, શીવરાજપુર સહિતના સ્થળોમાં રાજ્ય સરકારની એજન્સીના નામે વિકાસના કામો સદંતર ઠપ્પ થઈ ગયા છે.
જામનગર જિલ્લા ભાજપ વ્યાપાર સેલના પૂર્વ કન્વીનર અનિલભાઈ વિઠ્ઠલાણીએ દેવભૂમિ દ્વારકા જિલ્લાના કલેકટરને વિસ્તૃત આવેદન પત્ર પાઠવી હોટલો સહિતના બાંધકામોને વ્હેલી તકે મંજુરી મળે તેવી વ્યવસ્થા કરવા ભારપૂર્વક રજૂઆત કરી છે.
તેમણે આવેદનપત્રમાં જણાવ્યા પ્રમાણે દ્વારકા અર્બન ડેવલપમેન્ટ ઓથીરિટીની રચના થયા પછી ડેવલપમેન્ટ પ્લાન જ છેલ્લા દોઢ-બે વર્ષથી બન્યો જ નથી. એટલું જ નહીં, ખાનગી બાંધકામોને મંજુરી આપવાની સત્તા કોની પાસે છે તે અંગે પણ તંત્રમાં કોઈ સ્પષ્ટતા નથી.
પરિણામે તા. ૩૦-૯-૨૫ પછી કોઈ બાંધકામને મંજુરી મળી શકી નથી.
આ વિસ્તારના દ્વારકા સહિતના યાત્રા-પ્રવાસન સ્થળોએ બહારથી મોટી સંખ્યામાં યાત્રાળુઓ આવે છે. અત્યારે જેટલી હોટલો છે, તે અપૂરતી જણાય છે.
એક તરફ રાજ્ય સરકાર અને કેન્દ્ર સરકાર દેવભૂમિ દ્વારકા જિલ્લાના ધર્મસ્થાનો-પ્રવાસન સ્થળોના વિકાસ માટે કરોડો રૂપિયાના કામો કરે છે ત્યારે ટૂરિઝમના વિકાસ માટે હોટલ ઉદ્યોગને તમામ પ્રોત્સાહન મળે તે દિશામાં કામગીરી ઠપ્પ થઈ ગઈ છે. હોટલ ઉદ્યોગના વિકાસ માટે લોન/આર્થિક સહાય, બાંધકામ માટેની સરળ અને ઝડપી પ્રક્રિયા કરવાની તાતી જરૂર છે.
દ્વારકા તથા બેટ દ્વારકામાં ઈન્ટરનેશનલ ગ્રુપની હોટલો પણ આવવા માંગે છે. જેના બાંધકામ તથા નકશા મંજુર કરવા માટે એજન્સી કાર્યરત થાય તેવી માંગણી કરવામાં આવી છે. અથવા દ્વારકા નગરપાલિકા તથા ઓખા નગરપાલિકા વિસ્તારમાં હોટલો અને અન્ય ખાનગી બાંધકામો માટેની મંજુરી આપવાની સત્તા ન.પા.ને આપવા રજૂઆત કરવામાં આવી છે. અને આ પ્રશ્ને તાકિદે નક્કર તથા પરિણામલક્ષી વ્યવસ્થા કરવા માંગણી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
