હોમગાર્ડના જવાનોની નિવૃત્તિ વયમર્યાદામાં ત્રણ વર્ષનો વધારોઃ હવે પ૮ વર્ષે થશે નિવૃત્ત

Author: નોબત સમાચાર

હોમગાર્ડના જવાનોની નિવૃત્તિ વયમર્યાદામાં ત્રણ વર્ષનો વધારોઃ હવે પ૮ વર્ષે થશે નિવૃત્ત

રાજયના હોમગાર્ડ જવાનો માટે સરકારની જાહેરાતઃ

ગાંધીનગર તા. ૮: હોમગાર્ડના જવાનો માટે ખુશીના સમાચાર સામે આવ્યા છે, રાજ્ય સરકારે હોમગાર્ડ જવાનોની નિવૃત્તિ વયમર્યાદામાં ત્રણ વર્ષનો વધારો કરવા અંગે એક મહત્ત્વપૂર્ણ નિર્ણય લીધો છે. રાજ્ય સરકારે મુંબઈ હોમગાર્ડઝ રૂલ્સ ૧૯પ૩ ના નિયમ-૯ માં આ અંગે સુધારો કરવા નિર્ણય લીધો છે. જેને પરિણામે હવે હોમગાર્ડઝ સભ્યોની નિવૃત્તિ વયમર્યાદા પપ વર્ષથી વધારીને પ૮ વર્ષ થશે.

બૃહદ મુંબઈ રાજ્યમાં ૬ઠ્ઠી ડિસેમ્બર-૧૯૪૭ ના રોજ પોલીસની મદદમાં કાયદો અને વ્યવસ્થા જાળવવાના હેતુસર તેમજ કુદરતી અને માનવસર્જિત આપત્તિઓમાં આંતરિક સુરક્ષા માટે હોમગાર્ડઝ દળની રચના કરવામાં આવી હતી.

નાયબ મુખ્યમંત્રી હર્ષ સંઘવીએ જણાવ્યું છે કે, રાજ્યમાં આ દળ પોલીસના પૂરક બળ તરીકે ઉત્તમ કામગીરી કરી રહ્યું છે. હોમગાર્ડના જવાનો માનદ સેવા આપીને ચૂંટણી બંદોબસ્ત, ટ્રાફિક ફરજો, રાત્રિ પેટ્રોલિંગ, વીઆઈપી બંદોબસ્ત, ધાર્મિક/મેળા બંદોબસ્ત સહિતની દૈનિક તમામ ફરજો પોલીસ સાથે ખંતપૂર્વક નિભાવે છે. આ નિર્ણયથી હોમગાર્ડઝ સભ્યોમાં રાષ્ટ્ર-સેવા કરવા માટેનો જુસ્સો વધશે, અને તેઓ વધુ ત્રણ વર્ષ માટે પોતાની ફરજો નિષ્ઠાપૂર્વક બજાવી શકશે.

જો આપને આ પોસ્ટ ગમી હોય તો શેર કરો...