Author: નોબત સમાચાર
રૂ.પ લાખ સામે રૂ.૧૦ લાખ માંગી ચાર શખ્સે નાઘેડીના યુવાનને ધોકાવી નાખ્યો
દુકાન સામે સ્કૂટર રાખવાના પ્રશ્ને કરાયો હુમલોઃ
જામનગર તા.૨૧ : જામનગરના રડાર રોડ પર છએક દિવસ પહેલાં એક યુવાન પર રૂ.પ લાખના વ્યાજ સાથે રૂ.૧૦ લાખની માગણી કરી ચાર શખ્સે માર માર્યાે હતો જ્યારે દુકાન સામે સ્કૂટર રાખવાના પ્રશ્ને ટાઉનહોલ નજીક એક યુવાનને ત્રણ શખ્સે ધોકાવ્યો હતો. પોલીસે આરોપીઓની શોધખોળ શરૂ કરી છે.
જામનગરના ગોકુલનગર રડાર રોડ પરથી ગઈ તા.૧૫ની સવારે જઈ રહેલા નાઘેડી નજીક ગ્રીનવીલા સોસાયટીવાળા કિશન દેવજીભાઈ રાઠોડ નામના યુવાનને રોકી સુભાષ જગાભાઈ કંડોરીયા, જગાભાઈ કંડોરીયા, આશિષ કંડોરીયા, આલાભાઈ કંડોરીયા નામના ચાર શખ્સે માર મારી ઈજા પહોંચાડી હતી.
આ બાબતની કિશનભાઈ એ પોલીસમાં ફરિયાદ નોંધાવી તેમાં જણાવ્યું છે કે, તેણે અગાઉ રૂ.પ લાખ હાથઉછીના લીધા હતા. તેના વ્યાજની ઉઘરાણી કરી ગયા શનિવારે આ શખ્સોએ રૂ.૧૦ લાખ આપવાના છે તેવંુ લખાણ કરી આપવા દબાણ કરી માર માર્યાે હતો.
જામનગરના કાલાવડ નાકા બહાર આવેલા મોરકંડા રોડ પરની રબાની પાર્ક સોસાયટીની શેરી નં.૩માં રહેતા સદામ હુસેન હબીબ ખાટકી ગઈકાલે બપોરે ટાઉનહોલ પાસે પોતાની ઓફિસ નજીક સ્કૂટર રાખી કુરિયરની ઓફિસમાં પાર્સલ લેવા ગયા ત્યારે ત્યાં લેડીઝ, જેન્ટસની દુકાન ધરાવતા અલ્તાફ મેમણ, મહંમદ મેમણ, નવાઝ નામના ત્રણ શખ્સે તારૂ વાહન અમારી દુકાન સામે કેમ રાખ્યું તેમ કહી ગાળો ભાંડી હતી. ગાળો બોલવાની ના પાડતા સદામહુસેન પર ત્રણેય શખ્સ ઢીકાપાટુથી તૂટી પડ્યા હતા. સિટી બી ડિવિઝનમાં તેની ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
