આમ તો અઠવાડિયામાં જ ગુજરાત પ્રદેશ ભાજપ અધ્યક્ષના નામની થઈ શકે છે જાહેરાત

Author: નોબત સમાચાર

આમ તો અઠવાડિયામાં જ ગુજરાત પ્રદેશ ભાજપ અધ્યક્ષના નામની થઈ શકે છે જાહેરાત

સૌરાષ્ટ્રના કોઈ ઓબીસી નેતાની પસંદગી કરવાની સંભાવના પણ ખરી...

જામનગર તા. ર૧: ભારતીય જનતા પાર્ટીના મોવડી મંડળ દ્વારા ગુજરાત પ્રદેશ અધ્યક્ષના નામની જાહેરાત થવાની પૂરી શક્યતા છે.

ગુજરાતમાં સ્થાનિક સ્વરાજ્ય સંસ્થાઓની ચૂંટણી પૂર્ણ થઈ ગઈ છે. રાજ્ય સરકારનું બજેટ પણ રજૂ થઈ ગયું છે.

સ્થાનિક સ્વરાજ્યની ચૂંટણીઓમાં ભાજપને મળેલા જવલંત વિજયની ઉજવણીના સમારોહમાં હાલના પ્રદેશ અધ્યક્ષ આર.આર. પાટીલે પોતે હવે ટૂંક સમયમાં પ્રમુખ પદે નહીં હોય અને નવી નેતાગીરી આવશે તેમ સ્પષ્ટપણે જણાવ્યું હતું. કેન્દ્રની નેતાગીરી દ્વારા ભાજપના રાષ્ટ્રીય અધ્યક્ષની પસંદગી માટે પણ કવાયત ચાલી રહી છે, ત્યારે ગુજરાત પ્રદેશ ભાજપ અધ્યક્ષપદે કોની પસંદગી થશે તેની ચર્ચાએ જોર પકડ્યું છે.

આ અંગે પક્ષના આગેવાનોમાં ચર્ચાઈ રહેલી વિગતો પ્રમાણે પક્ષના કોઈ ઓબીસી નેતાને જવાબદારી સોંપવામાં આવે તેવી શક્યતા છે. જેમાં ર૦ર૪ માં રાજ્યસભા સાંસદ તરીકે ચૂંટાયેલા અને ભાજપના ગુજરાત પ્રદેશ બક્ષી પંચ મોરચાના અધ્યક્ષ મયંક નાયકનું નામ મોખરે છે, જો કે તેઓ ઉત્તર ગુજરાતના નેતા ગણાય છે અને ભાજપના પાયાના સનિષ્ઠ કાર્યકર હોવાની ઉજળી પ્રતિભા પણ ધરાવે છે. તેમ છતાં આ વખતે સૌરાષ્ટ્ર વિસ્તારમાંથી ઓબીસીમાંથી કોઈ અગ્રણીને પ્રમુખપદ મળે તે માટેના વિકલપો જોવાઈ રહ્યા છે.

ભાજપના કેન્દ્રિય મોવડી મંડળ દ્વારા ગુજરાતમાં આવનારી ર૦ર૭ ની વિધાનસભાની ચૂંટણીને ધ્યાનમાં રાખીને ગુજરાત-સૌરાષ્ટ્રમાં સંતુલન જળવાઈ રહે તે બાબતની પણ ગંભીરતાપૂર્વક વિચારણા થઈ રહી હોવાનું જાણવા મળે છે.

આગામી અઠવાડિયામાં ગુજરાત પ્રદેશ ભાજપ અધ્યક્ષના નામની જાહેરાત થવાનું નિશ્ચિત માનવામાં આવે છે, ત્યારે મયંક નાયકનું નામ જ જાહેર થશે તેવો દાવો પણ પક્ષના જ કેટલાક અગ્રણીઓનો છે. જોઈએ... આ તો ભાજપ છે ... કોઈ સાવ નવું જ નામ પણ આપી શકે છે.

જો આપને આ પોસ્ટ ગમી હોય તો શેર કરો...