Author: નોબત સમાચાર
જામનગરના બર્ધનચોકમાં આજે દબાણ હટાવ ઝુંબેશઃ માલ-સામાન જપ્ત
એસ્ટેટ શાખા અને પોલીસની સંયુક્ત કામગીરી હાથ ધરાઈઃ
જામનગરના બર્ધનચોક વિસ્તારની ટ્રાફિક સમસ્યાના કાયમી નિરાકરણ માટે ત્યાં હંગામી પોલીસ ચોકી ઊભી કરવામાં આવી છે. આમ છતાં કેટલાક પાથરણાવાળા, રેંકડીધારકો ત્યાં આવી જતા આજે કેટલોક માલસામાન જપ્ત કરવામાં આવ્યો હતો. ગઈકાલે પણ અહિં ટ્રાફિક ડ્રાઈવ કરીને દંડનીય કામગીરી કરવામાં આવી હતી. જામનગરના બર્ધનચોક વિસ્તારમાં પથારાવાળા, ફેરિયા, રેંકડીધારકોના કારણે દરરોજ ટ્રાફિક સમસ્યા સર્જાતી હોવાથી તેના કાયમી નિરાકરણ માટે ત્યાં હંગામી પોલીસ ચોકી ઊભી કરવામાં આવી હતી અને ત્યાં મહાનગરપાલિકા તથા પોલીસ કર્મચારીને ફરજ સોંપવામાં આવી હતી. જેની અમલવારી શરૂ કરી દેવામાં આવી છે. આમ છતાં ત્યાં ગઈકાલે કેટલાક ધંધાર્થીઓ ગોઠવાઈ જતા દંડનીય કામગીરી હાથ ધરવામાં આવી હતી અને રૂ. ૪૯૦૦ ની દંડનીય વસૂલાત કરવામાં આવી હતી. દરમિયાન આજે પણ મહાનગરપાલિકાની એસ્ટેટ શાખા અને પોલીસ સ્ટાફે દબાણહટાવ ઝુંબેશ શરૂ કરી હતી અને કેટલાક શાકભાજીવાળાની રેંકડીઓ કબજે કરી હતી. ઉપરાંત અમુક દુકાનદારો જાહેર માર્ગે માલસામાન ગોઠવીને દબાણ કર્યું હોવાથી તેવા દબાણો પણ દૂર કર્યા હતાં અને તમામ માર્ગ-વિસ્તાર દબાણમુક્ત કરાવાયો હતો. આ કામગીરી સમયે ધંધાર્થીઓમાં દોડધામ મચી જવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
