Author: નોબત સમાચાર
ભારત-બાંગ્લાદેશની મેચ પર સટ્ટો રમતા શખ્સની ધરપકડઃ એકીબેકી રમતા ઝડપાયા
ત્રણ સ્થળેથી વર્લીનું બેટીંગ લેતા શખ્સો પકડાયાઃ
જામનગર તા.૨૧ : જામનગરના રણજીતસાગર રોડ પર ગઈકાલે રાત્રે એક શખ્સ ક્રિકેટનો સટ્ટો રમતો ઝડપાયો છે. પોલીસે તેનો મોબાઈલ કબજે કર્યાે છે. જ્યારે સુભાષ શાક માર્કેટ, શંકરટેકરી તથા ખંભાળિયા નાકા પાસેથી ત્રણ વર્લીબાજ મળી આવ્યા છે અને બે શખ્સ એકીબેકી બોલતા પકડાયા છે.
જામનગરના રણજીત સાગર રોડ પર આવેલા એક ટી સ્ટોલ સામે શાકભાજીના સ્ટોલ પાસે ગઈકાલે રાત્રે એક શખ્સ પોતાના મોબાઈલમાં એક એપ પર ક્રિકેટનો સટ્ટો રમતો હોવાની બાતમી મળતા સિટી એ ડિવિઝનના સ્ટાફે દરોડો પાડ્યો હતો.
ત્યાંથી નિકુંજ જમનભાઈ ગધેથરીયા નામનો શખ્સ પોતાના મોબાઈલમાં ગઈકાલે રમાયેલા ભારત-બાંગ્લાદેશની ક્રિકેટ ટીમ વચ્ચેના મેચનો સ્કોર એક આઈડી પરથી નીહાળી તેના પર રનફેર વગેરેના સોદા કરતો મળી આવ્યો હતો. પોલીસે તેનો મોબાઈલ કબજે કરી ગુન્હો નોંધ્યો છે.
જામનગરના ખંભાળિયા નાકા પાસે ચાની હોટલ નજીક ગઈકાલે રાત્રે જાહેરમાં ચલણી નોટના નંબર પર એકીબેકી બોલતા રવિ કારાભાઈ શેખા, લખન ચંદ્રકાંતભાઈ ભદ્રા નામના બે શખ્સને પકડી લઈ પોલીસે કાર્યવાહી કરી છે.
જામનગરના ખંભાળિયા નાકા વિસ્તારમાં ગઈકાલે સાંજે વર્લીના આંકડા લખતા કપિલ ધર્મેન્દ્રભાઈ મંગી નામના શખ્સ ને પોલીસે પકડી લઈ વર્લીના આંકડા લખેલી ચિઠ્ઠી, રોકડ કબજે કર્યા છે.
જામનગરના સુભાષ શાક માર્કેટ વિસ્તારમાં ગઈકાલે સાંજે જાહેરમાં વર્લીનુ બેટીંગ લેતા કૈલાસ વિનુમલ નાગપાલને ઝડપી લેવાયો છે.
જામનગરના શંકરટેકરી વિસ્તારમાં વર્લીનું બેટીંગ લેતાં વલીમામદ ગુલમામદ ચનાને પકડી પાડવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
