Author: નોબત સમાચાર
જામનગરમાં ઘાંચીની ખડકી પાસેથી ૧૧૦ ગ્રામ ગાંજા સાથે એક શખ્સની અટકાયત
જામનગર તા.૧ ઃ જામનગરના ખોજાનાકા વિસ્તારમાં એક મકાનમાં ગાંજાનું વેચાણ થતું હોવાની બાતમી પરથી ત્રાટકેલી એસઓજીએ એક શખ્સને ૧૧૦ ગ્રામ ગાંજા સાથે પકડી પાડ્યો છે. આ શખ્સે સપ્લાયરનું નામ આપ્યંુ છે.
જામનગરના ખોજાનાકા વિસ્તારમાં આવેલા એક મકાનમાં ગાંજાનું વેચાણ કરાઈ રહ્યું છે તેવી બાતમી સ્પેશિયલ ઓપરેશન ગ્રુપના લાલુભા તથા અરજણભાઈ કોડીયાતરને મળતા પીઆઈ બી.એન. ચૌધરીની સૂચના અને પીએસઆઈ જે.ડી. પરમારના વડપણ હેઠળ ગઈકાલે સાંજે એસઓજી ટીમે ઘાંચીની ખડકી નજીક કબ્રસ્તાન પાસે આવેલા મહંમદરફીક આમદ સમા ઉર્ફે અબુડાના મકાનમાં દરોડો પાડી તલાશી લીધી હતી.
આ મકાનમાંથી ૧૧૦ ગ્રામ ગાંજા સાથે મહંમદરફીક ઉર્ફે અબુડો ઝડપાઈ ગયો હતો. એસઓજીએ ગાંજો તથા આરોપીનો મોબાઈલ અને રોકડ કબજે કર્યા છે. આ શખ્સની પ્રાથમિક પૂછપરછમાં તેણે આ જથ્થો કાલાવડ નાકા બહાર મોરકંડા રોડ પર સનસિટી-૧માં રહેતા આસિફ અબ્દુલવહાબ વહેવારીયા ઉર્ફે રાજુ ગાભા પાસેથી ગાંજાનો જથ્થો વેચવા માટે લીધો હોવાની કબૂલાત કરી છે. બંને સામે સિટી-એ ડિવિઝન પોલીસ સ્ટેશનમાં પીએસઆઈ જે.ડી. પરમારે ફરિયાદી બની ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
