Author: નોબત સમાચાર
મુળીલામાં પિતરાઈ ભાઈ પર ફાયરીંગ કરનારને દબોચી લેતી લાલપુર પોલીસ
દેશી તમંચો કબજે કરવા સહિતની હાથ ધરાઈ કાર્યવાહીઃ
જામનગર તા.૧ ઃ લાલપુરના મુળીલા ગામમાં મંગળવારે સાંજે પોતાના પિતરાઈ ભાઈ પર દેશી તમંચામાંથી ફાયરીંગ કરી તેની હત્યાનો પ્રયાસ કરનાર આરોપીને લાલપુર પોલીસે દબોચી લીધો છે. આ શખ્સના કબજામાંથી તમંચો કબજે કરવા સહિતની કાર્યવાહી હાથ ધરવામાં આવી છે.
લાલ૫ુર તાલુકાના મુળીલા ગામમાં વસવાટ કરતા ખીમાભાઈ મેરામણભાઈ વસરા નામના આહિર યુવાને પોતાના ઢોર બાંધવાના વાડામાં ડોકિયા કરતા પિતરાઈ નારણ પૂંજાભાઈ વસરાને ટપારતા મંગળવારે ખીમાભાઈ પર દેશી તમંચા માંથી નારણ વસરાએ ફાયરીંગ કર્યું હતું.
તમંચામાંથી વછૂટેલા છરા હાથમાં તથા ગળામાં ઘૂસી જતાં લોહીલુહાણ બની ગયેલા ખીમાભાઈને સારવાર માટે જામનગર ખસેડવામાં આવ્યા હતા. પોલીસે તેમની ફરિયાદ પરથી હત્યા પ્રયાસ, આર્મ્સ એક્ટ વગેરે કલમો હેઠળ ગુન્હો નોંધ્યો હતો.
ઉપરોક્ત આરોપીને પકડી પાડવા માટે લાલપુરના પીએસઆઈ એમ.એન. જાડેજા તથા સ્ટાફે શરૃ કરેલી તજવીજમાં સ્ટાફના પ્રવીણ બડિયાવદરા, હરદેવસિંહને મળેલી બાતમીના આધારે નારણ પૂંજા વસરા મળી આવ્યો હતો. આ શખ્સના કબજામાંથી તમંચો કબજે કરવા અને તેનો કોવિડ ટેસ્ટ કરાવવા કાર્યવાહી હાથ ધરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
