Author: નોબત સમાચાર
જામનગરમાં વિવિધ વિકાસ કામો માટે રૃા.૧૮ કરોડ ૪૯ લાખનો ખર્ચ મંજૂર
મહાનગરપાલિકાની સ્ટેન્ડીંગ કમિટી
જામનગર તા. ૧ઃ જામનગર મહાનગરપાલિકાની આજે મળેલી સ્ટેન્ડીંગ કમિટીની બેઠકમાં કુલ રૃપિયા ૧૮ કરોડ ૪૯ લાખના વિવિધ ખર્ચાઓને બહાલી આપવામાં આવી હતી.
જામનગર મહાનગર-પાલિકાની સ્ટેન્ડીંગ કમિટીની બેઠક આજે ચેરમેન મનિષ કટારિયાના અધ્યક્ષસ્થાને મળી હતી જેમાં ધારાસભ્ય દિવ્યેશભાઈ અકબરી, મેયર બિનાબેન કોઠારી ડે. મેયર તપન પરમાર, મ્યુનિ. કમિશનર ડી.એન. મોદી વગેરે ૧ર સભ્યો ઉપસ્થિત રહ્યા હતાં.
સિવિલ સાઉથ ઝોન (વોર્ડ નંબર ૧પ) ના વિસ્તારમાં ખાનગી સોસાયટી, ગુજરાત હાઉસીંગ બોર્ડની વસાહતો તથા રહેણાંક વિસ્તારમાં લોકભાગીદારીથી માળખાકીય સુવિધાઓની વિકાસ યોજના અંતર્ગત સીસી રોડ, સીસી બ્લોક (પેવર બ્લોક) ના કામ અંગેની દરખાસ્ત અન્વયે આ કામમાં રોડને થયેલ નુક્સાન મુજબ ફરીથી મંજુર થયેલ પાર્ટી પાસે કામ કરાવવા અને જો તે પાર્ટી કામ ન કરે તો અન્ય પાર્ટી પાસે કામ કરાવી અને તેનો ખર્ચ મૂળ પાર્ટી પાસેથી વસૂલવાનો સ્ટેન્ડીંગ કમિટીએ નિર્ણય લીધો હતો. શહેરમાં જુદા જુદા વિસ્તારમાં રપ સ્થળે સ્પિડ બ્રેકર બનાવવાનું મંજુર કરાયું હતું. રોડ સાઈટ ટ્રી પ્લાન્ટેશનમાં ટેન્કર વડે પાણી પીવડાવવા માટે કુલ ર૪ લાખનો વાર્ષિક ખર્ચ મંજુર કરાયો હતો.
આ ઉપરાંત વોટર વર્કસ, ભૂગર્ભ ગટર, સિવિલ શાખા, ગાર્ડન શાખા, વગેરે અંગે વિવિધ કામ માટે કુલ ૧૮ કરોડ ૪૯ લાખનો ખર્ચ મંજુર કરવામાં આવ્યો હતો.
જામનગરના નવનિયુક્ત મ્યુનિ. કમિશનર ડી.એન. મોદીનું પદાધિકારીઓ, અધિકારીઓ, સભ્યો દ્વારા સ્વાગત કરવામાં આવ્યું હતું.
આ ઉપરાંત ત્રણ દરખાસ્તો સીસી રોડ અન્વયે અધ્યક્ષસ્થાનેથી મંજુર કરવામાં આવી હતી. જ્યારે ચાર કર્મચારીનું સબબ નિવૃત્ત સન્માન કરાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
