Author: નોબત સમાચાર
ફૂટબોલ સ્પર્ધાની ચેમ્પિયન ટીમોને ધારાસભ્યના હસ્તે મેડલ એનાયત
વડોદરામાં ગુજરાત સ્ટેટ ફૂટસાલ ક્લબ ચેમ્પિયનશીપ સંપન્ન
વડોદરા તા. ૧ઃ વડોદરાના આંગણે ભવ્ય સમા ઈનડોર સ્ટેડિયમમાં શરૃ થયેલી જી.એસ.એફ.એ.ની ગુજરાત સ્ટેટ ફૂટસાલ ચેમ્પિયનશીપની બે ફાઈનલ મેચો ૩૧ મે બુધવારે રમાઈ જતા ર૪ મે થી શરૃ થયેલી આ ટુર્નામેન્ટનું દબદબાભેર સમાપન થયું હતું.
ગર્લ્સ ફૂટસાલની ફાઈનલ અમદાવાદની એ.આર.એ. ફૂટબોલ ક્લબ અને શાર્પશૂટર ફૂટબોલ ક્લબ વચચે રમાઈ. તેમાં એ.આર.એ. ફૂટબોલ ક્લબે શાર્પશૂટર ફૂટબોલ ક્લબને ચાર વિરૃદ્ધ ત્રણ ગોલથી હરાવી ચેમ્પિયન ટ્રોફી મેળવી લીધી. પ્રથમ હાફમાં જ બન્ને ટીમોએ પોતપોતાના ગોલ કરી લીધા હતાં અને બીજા હાફમાં બેમાંથી કોઈ ટીમ વધારાના ગોલ ન કરી શકી.
એ.આર.એ.ની ઈશિતાને પ્લેયર ઓફ ફાઈનલ મેચ ઘોષિત કરવામાં આવી. શાર્પશૂટરની શિખા દેીવને ગોલકીપર ઓફ ધ ટુર્નામેન્ટનો ખિતાબ અને મધુને પ્લેયર ઓફ ધ ટુર્નામેન્ટનો ખિતાબ એનાયત થયો.
પુરુષ વર્ગની ફાઈનલમાં બે સજ્જડ ટીમો બરોડા ફૂટબોલ એકેડેમી અને એ.આર.એ. ફૂટબોલ ક્લબ સામસામે ટકરાઈ. રસાકસી ભરેલી મેચમાં સ્થાનિક વડોદરાની ફૂટબોલ એકેડેમીએ અમદાવાદની એ.આર.એ. ફૂટબોલ ક્લબને ૩ વિરૃદ્ધ બે ગોલથી પરાજિત કરી. બન્ને ટીમોએ પહેલા હાફમાં એક એક ગોલ કર્યો. એ.આર.એ.ની ટીમે બીજા હાફમાં પણ એક ગોલ કર્યો, પરંતુ બરોડા ફૂટબોલ એકેડેમીએ સેકન્ડ હાફમાં બે ગોલ કરીને રમત પર કાબૂ મેળવીને જીત હાસિલ કરી. પ્રથમેશને મેન ઓફ ધ મેચ, સ્ટીફન ફર્નાન્ડીઝને ગોલકીપર ઓફ ધ મેચ અને રૃદ્ર છેત્રીને પ્લેયર ઓફ ધ ટુર્નામેન્ટ ઘોષિત કરવામાં આવ્યા.
બુધવારે બન્ને વર્ગની ફાઈનલ મેચો રમાઈ ગયા પછી ટ્રોફી વિતરણ કાર્યક્રમ વિશેષ અતિથિ ધારાસભ્ય શૈલેષ મહેતાના વરદ્ હસ્તે યોજાયો. એસ.એફ.એ. વતી વાઈસ પ્રેસિડેન્ટ હનીફ જીનવાલા, સેક્રેટરી મુળરાજસિંહ ચુડાસમા તથા સંદીપ દેસાઈ, દિવ્યરાજસિંહ, જતિન ભાવસાર વગેરેએ સમગ્ર આયોજનને સફળ બન્યાું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
