મોટી ખાવડી સ્થિત ટાઉનશીપમાં થઈ ચોરીઃ રૃા.૩ લાખ ૪૧ હજારની મત્તા ગઈ

Author: નોબત સમાચાર

મોટી ખાવડી સ્થિત ટાઉનશીપમાં થઈ ચોરીઃ રૃા.૩ લાખ ૪૧ હજારની મત્તા ગઈ

મકાનમાં ચોરી કરવા ઉપરાંત અન્ય મકાનના તૂટ્યા તાળાંઃ

જામનગર તા.૧ ઃ જામનગરના મોટી ખાવડીમાં આવેલી ખાનગી કંપનીની ટાઉન શીપમાં રહેતા એક અધિકારી સોમવારે પોતાના પરિવાર સાથે બહારગામ ગયા પછી માત્ર એક દિવસ બંધ પડેલા તેમના મકાનમાંથી રૃા.૪૦ હજાર રોકડા અને રૃા.૩ લાખના સોના-ચાંદીના દાગીના ચોરાઈ ગયા છે. તે મકાન ઉપરાંત અન્ય મકાનોના પણ તાળા તૂટ્યા છે. પોલીસે ગુન્હો નોંધી તપાસનો ધમધમાટ શરૃ કર્યાે છે.

જામનગર-ખંભાળિયા ધોરીમાર્ગ પર આવેલા મોટી ખાવડી ગામ સ્થિત રિલાયન્સ કંપનીની ગ્રીન ટાઉનશીપના સેક્ટર નં.૨૩/૨ના પ્રથમ માળે રહેતા અને મૂળ ભાવનગર જિલ્લાના તળાજાના રાહુલ જગદીશભાઈ ફટાણીયા નામના કર્મચારી ગયા સોમવારે પોતાના પરિવાર સાથે સસરાના ઘેર ગાંધીનગર ગયા હતા. તે દરમિયાન તેમના બંધ રહેણાંકમાં કોઈ તસ્કરો ઘૂસી ગયા હતા.

તેમના રહેણાંકના દરવાજાનું ઈન્ટર લોક તથા નકૂચો તોડી ઘૂસેલા તસ્કરે એક ઓરડામાં રહેલા કબાટમાંંથી રૃા.૪૦ હજાર રોકડા, ચાંદીના પાંચ જોડી સાંકળા, ત્રીસ ગ્રામ વજનના સોનાનો સેટ, પંદર ગ્રામનો સોનાનો ચેન, પચ્ચીસ ગ્રામનો સોનાનો પેંડલવાળો સેટ, એક પેંડલ, સોનાની બે બુટી, સોનાનું દસ ગ્રામનું લેડીઝ બ્રેસલેટ, નાકની ચૂક, કાનની બાલી, એક વીટી મળી કુલ રૃા.૩ લાખ ૪૧ હજારની મત્તા ઉસેડી લીધી હતી.

તે મકાનમાં ચોરી કરવા ઉપરાંત તસ્કરો મંગળવારની સવારના પાંચ વાગ્યા સુધીમાં ટાઉનશીપમાં આવેલા અન્ય અધિકારીઓના મકાનમાં પણ ચોરીના ઈરાદે તાળા તોડ્યા હતા. આ બાબતની ગઈકાલે રાહુલ ફટાણીયાએ મેઘપર પોલીસ સ્ટેશનમાં ફરિયાદ નોંધાવી છે. પીએસઆઈ વાય.બી. રાણાએ આઈપીસી ૩૮૦, ૪૫૪ હેઠળ ગુન્હાની નોંધ કરી તપાસ શરૃ કરી છે.

જો આપને આ પોસ્ટ ગમી હોય તો શેર કરો...