Author: નોબત સમાચાર
ત્રણ વર્ષમાં દ્વારકા જિલ્લામાંથી ઝડપાયેલા રૂ. ૧૦૦ કરોડના ડ્રગ્સનો પોલીસ દ્વારા નાશ
કાયદાકીય પ્રક્રિયા પૂર્ણ થયા પછી કરાઈ કાર્યવાહીઃ
જામનગર તા. ૧૯: દેવભૂમિ દ્વારકા જિલ્લામાંથી છેલ્લા ત્રણ વર્ષમાં ઝડપાયેલા અંદાજે રૂ. ૧૦૦ કરોડના ડ્રગ્સનો કાયદાકીય પ્રક્રિયા પછી દ્વારકા જિલ્લા પોલીસે કચ્છના ભચાઉમાં નાશ કર્યાે છે.
દેવભૂમિ દ્વારકા જિલ્લામાંથી છેલ્લા ત્રણ વર્ષ દરમિયાન પોલીસે જુદા જુદા સ્થળેથી ગાંજો તેમજ મેફેડ્રોન, નશાયુક્ત ટેબ્લેટ, કફ શીરપ જેવા અંદાજે રૂ. ૧૦૦ કરોડની કિંમતના નશાકારક પદાર્થાે કબજે કર્યા હતા.
ઉપરોક્ત ડ્રગ્સનો નાશ કરવા માટે જિલ્લા પોલીસવડા નિતેશ પાંડેય દ્વારા કરાયેલી તજવીજ પછી કાયદાકીય પ્રક્રિયા હાથ ધરવામાં આવી હતી. ડ્રગ્સના જથ્થાના નાશ માટે મંજૂરી મળતા ગઈકાલે દેવભુમિ દ્વારકા એસઓજી દ્વારા તમામ ડ્રગ્સને કચ્છના ભચાઉમાં લઈ જવામાં આવ્યો હતો.
ત્યાં આવેલી એક ખાનગી કંપનીની ભઠ્ઠીમાં ડ્રગ્સનો ઉપરોક્ત જથ્થો નાખી દઈ પોલીસે તેનો નાશ કર્યાે છે. આ વેળાએ પોલીસ ઉચ્ચ અધિકારીઓ ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
