Author: નોબત સમાચાર
ધ્રોલમાંથી દારૂની ૧૨ બોટલ સાથે એક ઝબ્બેઃ સ્કૂટરમાંથી મળ્યા બીયરના ટીન
મકાનમાંથી દારૂ ઝડપાયોઃ આરોપી નાસી ગયોઃ
જામનગર તા. ૧૯: ધ્રોલમાંથી પોલીસે એક શખ્સને ઈંગ્લીશ દારૂની બાર બોટલ સાથે પકડી પાડ્યો છે. સ્કૂટરમાં બીયરના બે ટીન, દારૂની અડધી બોટલ સાથે જતો નગરનો શખ્સ પોલીસની ગિરફતમાં આવ્યો છે. એક મકાનમાંથી પોલીસે દારૂની બે બોટલ ઝબ્બે લીધી છે. દરેડમાંથી બોટલ સાથે પકડાયેલા શખ્સે સપ્લાયરનું નામ આપ્યું છે.
ધ્રોલ શહેરમાં ગઈકાલે સ્થાનિક પોલીસ સ્ટાફ દ્વારા કરવામાં આવી રહેલા પેટ્રોલિંગમાં માધ્યમિક સ્કૂલ પાછળના કાચા રસ્તા પરથી પસાર થતાં ધ્રોલની ભરવાડ શેરીવાળા રૂખા સામતભાઈ ઝુઝા નામના શખ્સને રોકાવી પોલીસે ચેક કરતા તેની પાસેથી ભારતીય બનાવટના અંગ્રેજી શરાબની ૧૨ બોટલ મળી આવી હતી. પોલીસે બોટલ કબજે કરી રૂખા સામતભાઈની ધરપકડ કરી છે.
જામનગરના દિગ્વિજય પ્લોટ પોલીસ ચોકી સામેથી ગઈકાલે બપોરે નંબર પ્લેટ વગરના એકસેસ સ્કૂટરમાં જતા નવાગામ ઘેડવાળા કૃષ્ણરાજસિંહ જુવાનસિંહ વાળા નામના શખ્સને રોકી પોલીસે ચેક કરતા તેના કબજામાંથી બીયરના બે ટીન તથા ઈંગ્લીશ દારૂની અડધી બોટલ મળી આવી હતી. આ શખ્સે તે જથ્થો જનતા ફાટક નજીક રહેતા દિલીપ સુનિલભાઈ રાવલીયા નામના શખ્સ પાસેથી લીધો હોવાની કબૂલાત કરી છે.
જામનગરના દિગ્વિજય પ્લોટ-૪૯ વિસ્તારમાં આવેલા સતિષ જેઠાલાલ મંગે ઉર્ફે સતીયા રાધે નામના શખ્સના મકાનમાં પોલીસે દરોડો પાડી તલાશી લેતા ત્યાંથી ઈંગ્લીશ દારૂની બે બોટલ મળી આવી હતી. દરોડા પહેલાં આરોપી નાસી ગયો હતો.
જામનગર નજીકના દરેડમાં માધવ સોસાયટીના ગેઈટ નજીકથી જેઠાભાઈ નાગશીભાઈ મોવાણીયા નામનો શખ્સ દારૂની બોટલ સાથે ઝડપાઈ ગયો છે. તેણે ધર્મેશ મુકેશભાઈ ગંગેરા પાસેથી બોટલ લીધાની કબૂલાત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
