અમદાવાદની વિમાન દુર્ઘટનામાં જીવ ગુમાવનાર જામનગરના દંપતીની અંતિમયાત્રાઃ કરૂણ દૃશ્યો

Author: નોબત સમાચાર

અમદાવાદની વિમાન દુર્ઘટનામાં જીવ ગુમાવનાર જામનગરના દંપતીની અંતિમયાત્રાઃ કરૂણ દૃશ્યો

સાંસદ પૂનમબેન માડમ, શહેર ભાજપ અધ્યક્ષ બીનાબેન કોઠારી, મનપામાં શાસક પક્ષના નેતા આશિષ જોષી, કોર્પોરેટરો તથા અગ્રણીઓ, પરિવારના વડીલો જોડાયા

જામનગર તા. ૧૯: અમદાવાદમાં ગત તા. ૧૨ જુનના વિમાન દુર્ઘટનામાં અનેક લોકોના મૃત્યુ થયા હતાં તેમાંથી જામનગરના દંપતીના મૃતદેહ ગઈકાલે જામનગર આવી પહોંચ્યા પછી આજે સવારે બન્નેની અંતિમ યાત્રા નીકળી હતી. જેમાં જામનગરના રાજકીય, સામાજિક આગેવાનો, સગા સંબંધીઓ, શુભેચ્છકો બહોળી સંખ્યામાં જોડાયા હતાં. આ સમયે ભારે શોકમય વાતાવરણ જોવા મળ્યું હતું.

ગત તા. ૧૨-૬-૨૫ અને ગુરૂવારે અમદાવાદમાં એર ઈન્ડિયાનું વિમાન ક્રેશ થયું હતું. જેમાં અસંખ્ય મુસાફરો સહિતના લોકોના મૃત્યુ થયા હતાં મૃતદેહો એટલી હદે સળગી ગયા હતાં કે તેની ઓળખ કરવી પણ મુશ્કેલ હતી. આથી સરકારે ડી.એન.એ. ટેસ્ટ કરી મૃતદેહને ઓળખ કરવાની જામનગરના નેહલબેન અને તેના પતિ શૈલેષભાઈ પરમાર પણ આ વિમાન અકસ્માતમાં મૃત્યુને ભેટયા હતાં. તેમણે ડીએનએ ટેસ્ટ પછી ગઈકાલે બન્ને મૃતદેહોને જામનગર લવાયા પછી આજે શૈલેષભાઈ અને નેહલબેન વર્ષોથી લંડનમાં વસવાટ કરે છે. પરંતુ નેહલબેનનાં પિતાની તબીયત ખરાબ હોવાથી તે પોતાના પતિ સાથે જામનગર આવ્યા હતાં અને તા. ૧૨ના વિમાન માર્ગ લંડન પરત જઈ રહ્યા હતા ત્યારે તેમનું વિમાન ક્રેશ થયુ હતું. આજે સવારે દંપતીની અંતિમ યાત્રા તેમના નિવાસ સ્થાન ગુરૂ દતાત્રેય મંદિર સામેથી નીકળી હતી.

જેમાં જામનગરમાં સાંસદ પૂનમબેન માડમ, સ્થાનિક કોર્પોરેટર અને શહેર ભાજપના અધ્યક્ષા બિનાબેન કોઠારી ઉપરાંત કોર્પોરેટર સરોજબેન વિરાણી તથા કોર્પોરેટરો અને મહાનગર પાલિકામાં શાસક પક્ષના નેતા આશિષ જોષી, ડો. કેયુરભાઈ બક્ષી, આશિષભાઈ બક્ષી, પરમાર પરિવારના સદસ્યો તથા શૈલેષભાઈના ભાઈબંધ, કૌટુમ્બીજનો સગા-સંબંધીઓ- શુભેચ્છકો સહિતનાઓ બહોળી સંખ્યામાં જોડાયા હતાં. અને આદર્શ સ્મશાન ગૃહમાં બન્નેના અંતિમ સંસ્કાર કરવામાં આવ્યા હતાં. આ સમયે પરિવારજનોએ ભારે આક્રંદ કર્યું હતું. તથા વાતાવરણ શોકમય જોવા બન્યુ હતું.

જો આપને આ પોસ્ટ ગમી હોય તો શેર કરો...