Author: નોબત સમાચાર
ભાડા પર બે મોટર રાખી ભાડુ તથા બંને વાહન ઓળવી જવા અંગે કરાઈ ફરિયાદ
રોડના કામમાં મોટર ભાડે રાખવાનું પડ્યું મોંઘુંઃ
જામનગર તા.૭ ઃજામનગરના ધરારનગર-૧ વિસ્તારમાં વસવાટ કરતા ચાંદભાઈ રફીકભાઈ કાદરી નામના આસામીને થોડા સમય પહેલા જામનગરના જ આસિફ ઉર્ફે જાવિદ સુમારા તથા રાજુ ભાનુશાળી નામના બે શખ્સે મળી તેઓનું લીંબડીમાં રોડનું કામ ચાલુ છે તેમાં તમારી મોટર ભાડેથી મૂકો તેમ જણાવ્યું હતું. આ શખ્સોએ રોજના રૃા.૩૩૦૦ લેખે ભાડુ ઠેરવી ચાંદભાઈની જીજે-૧૦-ડીઈ ૪૪૯૮ નંબરની અર્ટીગા મોટર ભાડા પર રાખી હતી.
તે ઉપરાંત આ શખ્સોએ નરેન્દ્રસિંહ જાડેજા નામના આસામીની જીજે-૧૦-ડીજે ૯૧૦૧ નંબરની અર્ટીગા મોટર રૃા.૩૬૦૦ના રોજના ભાડે રાખી હતી. તે પછી ચાંદભાઈને સાડત્રીસ દિવસના ભાડાના રૃા.૧,૨૨,૧૦૦માંથી રૃા.૫૦ હજાર અને નરેન્દ્રસિંહને બાવીસ દિવસના ભાડાના રૃા.૭૯,૨૦૦માંથી રૃા.૩૬ હજાર આપ્યા હતા.
ઉપરોક્ત ભાડાની બાકી રકમ ન ચૂકવી આસિફ તથા રાજુભાઈએ બંને આસામીની મોટર પણ પરત આપી ન હતી. તેથી કુલ રૃા.૧૧ લાખની બે મોટર તેમજ બાકીના ભાડા અંગે છેતરપિંડી આચરવા અને વિશ્વાસઘાત કરવા અંગે ચાંદભાઈએ આસિફ ઉર્ફે જાવિદ તથા રાજુ ભાનુશાળી સામે સિટી-સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે આઈપીસી ૪૦૬, ૪૨૦ હેઠળ ગુન્હો નોંધી તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
