જામ્યુકોની ટાઉનહોલ અપગ્રેડેશન કામગીરીનું નિરિક્ષણ કરતા મ્યુનિ. કમિશનર

Author: નોબત સમાચાર

જામ્યુકોની ટાઉનહોલ અપગ્રેડેશન કામગીરીનું નિરિક્ષણ કરતા મ્યુનિ. કમિશનર

અધિકારીઓની ટીમને સાથે રાખીને

જામનગર તા. ૭ઃ જામનગરમાં ટાઉનહોલ અપગ્રેડેશન તથા જનરલ બોર્ડ બનાવવાના આયોજન માટે બાંધકામ સ્થળની મ્યુનિ. કમિશનર દ્વારા મુલાકાત લેવામાં આવી હતી.

જામનગર મહાનગર પાલિકાના કમિશનર વિજયકુમાર ખરાડીએ ઈન્ચાર્જ નાયબ કમિશ્નર ભાવેશભાઈ જાની તેમજ પ્રોજેકટ એન્ડ પ્લાનીંગ શાખાના નાયબ ઈન્ચાર્જ રાજીવ જાની અને ટીમને સાથે રાખીને નવનિર્મિત જનરલ બોર્ડના કામનો બાંધકામ સ્થળની મુલાકાત લેવામાં આવી હતી અને ઓડીટેરીયમ, સ્ટેઈજ, કમિટિ ચેમ્બર, વીઆઈપી લોન્જ, સાઉન્ડ કંટ્રોલ, સિસ્ટમ તથા એલાઈમેન્ટ અંગે જરૃરી સૂચના આપી હતી.

આ પછી ટાઉનહોલમાં અપગ્રેડેશન અને સ્ટ્રેન્ધનીંગની ચાલતી કામગીરીનું નિરીક્ષણ કર્યું હતું અને મુખ્ય બેઠક, સભાખંડના ઓગ્મેન્ટેશન, એલાઈમેન્ટના પ્લાનીંગ માટે જરૃરી સૂચનાઓ આપી હતી તથા સાઉન્ડ ઈફેકટ અદ્યતન પ્રોજેકટર તથા તેના એલાઈમેન્ટ ઓગ્મેન્ટેશન સાથે એલઈડી સ્ક્રીન, તેનું કનેકશન ટુ- વે કેમેરા સોલર, આર્ટ ગેલેરીમાં રીનોવેશન લેન્ડ સ્કેપીંગ બાબતો અંગે ઝીણવટભરી ચર્ચા કરી હતી આ માટે કામની ગુણવતા વગેરે બાબતે કન્સલટન્ટ સહજ ક્રિએશન તથા કોન્ટ્રાકટરને જરૃરી સૂચના આપી હતી.

જો આપને આ પોસ્ટ ગમી હોય તો શેર કરો...